Antîkurd û fînala kurdan

Dinyayî di merdimîy qabê ke tarîyeyî ra ageyrê, roşnî û rojî bivînê kar û barê xo bikerê ra xebatan kenêy. Kurdîy zî, qabê ke geş bibê û biresê roja xo têkoşîn dayê û danê û nêy rojan di kurdîy fînala xo danê. Kurdîy tarîyeyî ra, qirkerdişê Roboskîyî, bi çalakîyanê xo yê demokratîk dê fînala xo ravêro û roja xo bivîno.
Ma vîra mekê, pey tengaseyî hîrayey esto. Kurdan; zilm, îşkence, kiştiş, qirkerdiş zext û zordarey zaf vîna. Nêy zextî mezgê kurdan geş kerd û daresnayişê cayeke nezdîyê roşnîyî û kurdîy roj bi roj tarîyeya xo, bi înat çirna û bi bedeldayişanê xo, xo vetîy teberê tarîyeyî û ewro, rojî verdi, qabê amayişanê gedeyanê xo, qabê kesanê mazlûm yê dinyayî ra rayîranê ke kapîtalîstan girotêy yew bi yew akenê.
Kurdîy 2012 di fînalî ra xebat kenêy. Destpêkerdişê fînalî Roboskîyî yo.
Qirkerdişê Roboskîyî bi heme hawayî ra, karê ANTÎKURD o, ke serekeya ney zî AKaPe onceno. ANTÎKURD dewa Roboskîyî di ceribnayişeke kerd. Ema ze gedeyanê ke rûyê xo çîkolatayî di verado xo ruswa kerd û komplo bi ser nêkewt û dizd û warê keyî eşkera bîy. Di qada dinyayî di, rayna eşkera bi ke, kurdîy mafdar êy û ANTÎKURD neheq êy.

Plana ANTÎKURD çiçî bi?
3 Bi qereqolî kesanê bezîrganey kerdê gere kom bikerday. (Biser kewt, hemeyan arê da û berd cayeke balafiran ra weş eyseno û koordînata ke verî amebi plankerdişî di day vindarnayiş.)
3 Her ke şîyê serd zêd bîyê û şew xedar bîyê. Kurdanê ke day vindarnayiş semedê ke verî zî bi leşkeran ra timûtim ameynê rûbirû û baca her şîyiş û amayişî dayê, bêbexteyeke winayine qereqolî ra nêpawitê. Qereqolî no weş xerç kerd. (Lazimo ke her kurd çiqas bawer keno se hintayê bêbawereyî zi, mezgê xo ra dibo ravêrayiş.)
3 Dê çend çek, narîncok û bazûka biday hetê qitilkerdoxan û bivataynê: “Ma PPKijîy kiştîy.” (Semedê ke peynamey qikerdoxan ze jûbînî bîy. No plana înan têk şi. Linganê înan kewtîy tê mîyan. Kombîyayiş viraştîy.)
3 Gere kesê zî nêxelisyay. (Kesanê komkerdeye ra yewî, semedê ke qereqolî ra guman kerd verê xo û qatira xo da dewî û xelisya. Malbatan ra nezdî 10 kesan girotîy binçiman! Him sûcdar him zî zor êy.)
3 ANTÎKURD bawerey şarê herêma Roboskîyî zanay û goreya ney kar kerd. (Kurdan rayna bi bawerbîyişê tirkan vinî kerd. Cayê day vindarnayene di, kurdan barê qatiranê xo zî ardîy war û xo serd û seqemî ra qabê bipawê dayê kafanê kereyan bin û vindertî ke, qereqol bêro bivajo bişêrê. Ma kurdîy rew bawerê kesanê kurd nîyê, kenêy. Ma vanê qay bîyanijî çîyan zaf zenê û pîl êy. Ma vîra mekê, no safbîyayiş û pîlbîyayişê kurdan ra yeno. Lazimo ke kurdîy ney ra pey, di heme çîyanê xo di, bi guman bibêy û xo pîl û zane bihesinê. Gumanîy merdiman resneno rasteyan, qeza û belayan ra star keno. Ze nimûne, kesê ke guman kerd û xelisya. Belî bi ke, kesanê bezîrganeya kerdêy, rojeva kurdan û tirkan nêşopnay. Kurdîy çiqas ameyê girotiş û tirkîy wazenê çiçî bîyarê kurdan sero ra xebera înan çînê bi. Eger ROJ TV û medya kurdan weş bişopnay dê tawrê qereqolî ra şik bikerday û biremay. Ango çîyêna bikerday. Lazimo ke, ney ra pey, her kurd qiseyanê serekanê xo, nuştox û roşnvîranê xo bikerê û bigoşdarnê û goşanê xo ra bikerê goşare, çimanê xo ra zî bikerê berçim.)
3 Dê medya bêven bimenday. Medya tirk bêdestûr nûçeyê derheqê kurdan di nêşeno bido. (Goreya înan zatî medya kurd amebi girotiş. Mendbi medya tirk. Gelo gureye medyayî zûran dayiş o? Eger wina bişêro ANTÎKURD dê Tirkîyayî perçe bikero. Ez tîyara veng dani medyayî û vani; ‘Keyê zûrkerî veşayo hawar kerdo, ema, kesê zî bawer nêkerdo. Çimkî zanê ke timûtim zûran erzeno.’ Ey medya tirk! Şima dê Tirkîyayî biveşnê, bêrê rayîra raşteyî sero û raşteyan binuşnê wa şaranê Tirkîyayî vinî mekerê, mafê kurdan bidê ke, Tirkîya xurt bibo.)

Bu yazi 827 defa okundu.

<< Önceki || Sonraki >>