Li gundê Zirvandanîsê yê girêdayî navenda Wanê di konê de şewat derket. Di şewata konê de zarokê 4 salî Ekrem Yarali jiyana xwe ji dest da. Dayika Yarali Gullu Yarali û 3 zarokên malbata Yarali birîndar bûn. Malbata ku kon di hewşa xwe de avakiribûn ji ber sedemek ne diyar şev nîvê şevê şewitî. Di şewatê de Ekrem ê 4 salî şewitî û li cihê bûyerê jiyana xwe ji dest da. Heta ku xizm û cîranên malbata Yarali bi gazî hawarê hatin dayik Gullu 3 zarokên wê jî birîmdar bûn. Cîranan 2 keçik û kureki malbata Yarali bi birîndarî xelas kirin. Welatiyan pişti bûyerê cenazeyê Ekrem Yarali rakirin Nexweşxaneya Lêkolinê ya Herêmê.
Bavê Ekrem Yarali Hamdî Yarali, diyar kir ku di erdhejê de piştî ku mala wan zirar dît di kona havînê de jiyana xwe domandin lê vê carê jî kon şewitî û wiha got: “Em xwestin ku ji erdhejê xilas bibin derfetên me tune bû ku em derkevin devreyî bajêr jî vê carê jî konê me şewitî. Ji şewatê vir ve rayedarek dewletê nehat vir û l ime nepirsî. Ez li vir bang li raya giştî dikim.”
Hevserokê BDP’a Wanê Mihriban Şah, Şaredarê Dêrsimê Edîbe Şahîn, Şaredarê Bazîdê Canan Korkmaz, Şaredarê Licê Fikriye Aytin, Şaredarê Sixkê Nezahat Ergüneş û Alîkarê Şaredarê Wanê Gulbahar Orhan malbata Ekrem Yarali ziyaret kirin. Şaredar çûn Mala Sersaxiyê ya Mizgefta Şukruyê û ji malbatê re sersaxî xwestin. Şaredar piştî sersaxiyê çûn cihê kon şewitî bû û lêkolînan kirin. Şaredarê Dêrsimê Edibe Şahin, diyar kir ku ev qetlîam e û wiha got: “Belê li vir felaketek pêk hat erdhej bû lê ev dîmenên îro nayê tarîf kirin. Ji ber ku ne felaketek e ev tedbirê ji bo jiyanê ya piştî erdhejê bû. Ev piştî erdhejê ji bo ku tê de bistirin ji erdhejzedeyan re hatin şandin, lê ji bo zarokan bûn gor. Welatiyên ku ji erdhejê xwe xilas kirin her roj di van konan de dimirin. Di tu dewletan de rewşek wiha nayê jiyîn lê em her roj li Wanê ev rewş dijîn. Belê erdhej xwezayiye lê ev felaketa ku em her roj dijîn ne xwezayiye. Divê demildest konteynir û malên prefabrîk bên dayîn. Ez bang dikim kesên ku dibêjin bila heta havînê bisekinin, ev gel dê heta havînê yan ji serma yan ji nexweşiyan an jî ji şewatê dê bimirin.”
Hamdî Yarali wiha got: “Ji ber ku derfetên me tune bûn em derneketin devreyî bajêr, lê kon me şewitand. Rayedarek dewletê nehat û li me nepirsî.” Berê jî li heman gundî dîsa kona malbata Tolukan şewitî. Di şewatê de zarokên bi navê Bahar (8), Îsmaîl (4) û Mîkaîl Tolukan (12) jiyana xwe ji dest dabûn.
Welatiyê gundê Zirvantanîsê Kasim Yarali wiha got: “Îro tu rayedarê dewletê pirsgirêkên me nabînin û eleqeder nabin. Bila Serokwezîr û Walî rojêk tenê bên li vê bijîn. Ez ê bi zarokên xwe re ji dervê razêm. Em çadirêk biçûk de 14 kes dijîn.” Şaredarên jin piştre jî dayika Kerem Gullu Yarali ya ku li Nexweşxaneya Perwerdahî û Lekolînê ya Herêmê dimîne ziyaret kir.
Şaredariya Sixkê piştî kona malbata Yarali şewitî û zarokê 4 salî Ekram Yarali jiyana xwe ji dest da, Şaredariya Sixkê konteynira xwe da malbatê. Şaredara Sixkê Nezahat Erguneş, piştî konteynir da malbata Yarali, bang li hikûmetê û cemaweriyê kir û xwest her kes li hemberî van bûyeran bi hestiyar tevbigere û Wane xwedî derkeve.WAN - DÎHA

Ev nûçe 958 car hate xwendin.
Yên pêsî || ên pistî >>

Nûçeyên Nûçe