Di hefteya mafên mirovan de piştî li Îzmîrê polîsan di qereqolê de li jinekê îşkence kir, niha jî li baxçeyê Şaredariya Fatîha Stenbolê ya AKP’ê yekîneyên Zabiteyan li zarokan îşkence kir. 4 zarokên ku tê zanîn îşportacî ne û temenê wan di nava 10-15 salî de tê guhertin ji aliyê yekîneyên zabiteyên Şaredariya AKP’î ve rastî lêdanê hatin. Li aliyekî ji bo vê hefteyê çalakî daxuyanî didomin li aliyê din jî pêkanînên sosret bê navber didomin.
Di ser îmzekirina Danezana Peymana Mafên Mirovan a Gerdûnî ku ji aliyê Neteweyên Yekbûyî ve hate qebûl kirin 63 sal derbas bûn. Di hefteya mafên mirovan de li Tirkiyeyê dîsa mafên mirovan li kolanana polîs û zabiteyên şaredariyan binpê dikin. Piştî ku li Îzmirê polîsan di qereqolê de li jinekê îşkence kir, niha jî zabiteyên AKP’ê li Stenbolê li zarokan îşkence kir. Li navçeya Fatîhê ya Stenbolê zabiteyên şaredariyê li baxçeyê Midûriyeta Zabiteyan Yekîneyên Seyar û Amîra Nobedar zarok anîn hewşê û îşkence li wan kir.
Dema ku zabiteyan 4 zarokên temenê wan di nava 10-15 salî de anîn baxçeyê Midûriyeta Zabiteyan û li 4 zarokan îşkence hate kirin ev dîmen bi kamerayek amator ve hatin kişandin û wêne hatin kişnadin. Di dîmen û wêneyan de tê dîtin ku Yekîneyên Seyar li Baxçê Midûriyeta Zabiteyan li zarokan dixin. Di serî de karok li ser banka rûniştine. Piştre çend zabite tên cem zarokan û bi dar û jopan li zarokan dixin. Di serî de tesên wekî polîsên sivil tên zanîn tên îşkence dikin, piştre kesên bi unîforma yên ku hat hînbûn zabite ne tên û li zakokan dixin. Bi daran li zarokan dixin û îşkenceyê li wan dikin. Ev dîmenên ku hatin kişandin di hefteya mafên mirovan de jî xuya dike ku îşkenceya li ser zarok û jinan berdewam dike. Şahidên bûyerê jî diyar kirin ku bi deqeyan zarok rastî îşkence û lêdana zabiteyan hatin. STENBOL – DÎHA

Ev nûçe 268 car hate xwendin.
Yên pêsî || ên pistî >>

Nûçeyên Nûçe