Bi minasebeta hefteya Mafên Mirovan Baroya Îzmîrê, TÎHV, ÎHD û ÇHD’ê di civîna çapemeniyê ya hevpar de bal kişandin ser binpêkirina mafan ên li Tirkiyeyê. Civîn li Eywana Civînê ya Baroya Îzmîrê hat lidarxistin. Ji baroya Îzmîrê parêzer Ercan Demir, parêzer Zeynel Kaya, li ser navê nûnertiya TÎHV’ê ya Îzmîrê Coşkun Ustercî û Endamê Lijneya Rêveber a ÎHD’a Îzmîrê Ahmet Alagoz beşdarî civînê bûn.
Li ser navê saziyan daxuyaniya hevpar parêzer Ercan Demîr xwend. Demîr bi bîr xist ku îro salvegera 65’emîn qebûlkirina Danezana Mafên Mirovan a Gerdûnî ya ji aliyê Neteweyên Yekbûyî ye û wiha got: “Ligel vê di roja îroyîn de nirxên şaristaniyan tên binpêkirin, destkeftiyên mafên mirovan paşve diçin û ne mirov beriya mirov giranbuhabûna pere û windabûna wekheviyê tê dîtin.” Demîr da zanin ku li aliyekê bi pêkanînên neo-lîberal wekheviya civakî kêm dibe li aliyê din jî bi xizaniyê mirovan dixin nava gumana ewlehiya civakî. Demîr, diyar kir ku li Cîhanê piştî êrîşên 11’ê îlonê bi hinceta ‘terorîzmê’ dewlet di nav raya giştî de paranoyayeke ewlehiyê afirandin. Bi vê yekê tedbîrên xwe yên mîlîtarîst û polîsiye rêveberiya xwe ya otorîter qehîm kirine.
Demîr diyar kir ku sala 2011’an li Tirkiyeyê ji aliyê binpêkirina mafan de pirsgirêkek cidî bû û wiha pê de çû: “Di navbera salê de bi taybetî di mijara Pirsgirêka kurd de şidet û pêvçûn derket asta herî jor. Ligel vê di 2011’an de sernavên qedexeya îşkenceyê hat ixlalkirin, mudaxaleyên li dijî mafê çalakiyan, dadgehên raye taybet girtinên kêyfî û demdirêj, rojnamegerên girtî, di girtigehan de mirin, reda wicdanî, şideta li hember jinê, pirsgirêkên derdor û ekolojiyê derketin pêş.”
Demîr bibîrxist ku li gorî rapora Weqfa Mafên Mirovan ên Tirkiyeyê di 11 mehên sala 2011’an de 473 kes bi îdiaya îşkence dîtiye serî li wan daye. Demîr, diyar kir ku ligel serlêdanan 207 kes dîsa rastî îşkenceyê hatine.

MIRIN RANAWESTIN
Demîr diyar kir ku li gorî daneyên Navenda Dokumantasyona TÎHV’ê ji 1’ê çileya 2011’an heta 30’ê mijdara 2011’an, di encama îşkence û muameleyên xirab de 4, di girtîgehan de 35, bi hinceta ‘guh nedan banga raweste’ 19, di encama mîtîng û xwepêşandanan de 6 kes hatine kuştin û di encama xwepêşandanan de 271 kes jî birîndar bûne.

‘OPERASYONÊN KCK’Ê’
Demîr di berdewama daxuyaniyêde bal kişand ku operasyonên KCK’ê siyasî ne û destnîşan kir ku hîna jî berdewam dikin. Di daxuyaniyê de wiha hate gotin; Li gorî daneyên TÎHV’ê ji 14.04.2009 heta 28.11.2011 bi gişrî 4.195 kes hatine binçavkirin û 1.833 kes hatine girtin. Tenê di sala 2011 de 2.313 binçavkirin û 942 girtin pêk hatine.
Zextên li ser endam û rêveberên Komeleya Mafên Mirovan, aştîxwaz hatine şidandin, gelek kes hatine girtin û bi darizandinê re rû bi rû mane. Niha jî 14 rêvebern ÎHD’ê girtî ne. ÎZMÎR - ANF

Ev nûçe 261 car hate xwendin.
Yên pêsî || ên pistî >>

Nûçeyên Nûçe