Di îlona 1996’an leşkerên Fermandariya Cendirmeyan a Pasûrê li bejayî û hewayî li dijî endamên PKK’ê operasyonek berfireh pêk anî û di operasyonê de 15 endamên PKK’ê jiyana xwe ji dest dan. Şahidê bûyerê ku cenazeyên endamên PKK’ê li tenişta kaniyê definkirin M.Ş.A., diyar kir ku endamên PKK’ê di operasyonê de bi çekên kîmyewi jiyana xwe ji dest dan.
M.Ş.A., da zanîn ku piştî 15 cenaze li gel hev rêzkirin gule barandin û heta 5 mehan li wê derê hiştin. M.Ş.A. wiha got: “Wê demê li gunde Koçika malbat tunebûn. Gundê me di sala 1994’an de ji aliyê leşkeran ve hatibû valakirin. Em jî koçî Pasûrê bûbûn. Piştî operayon derket cenaze bi helîkopteran anin gundê Koçika û li tenişta kaniyê rêz kirin. Piştî bi mirî gule li wan reşandin nezî 5 mehan cenaze li ser riya gund hiştin. Leşkeran destûr neda ku welatî biçin cenazeyan defin bikin. Leşkeran bi hinceta ewlehiyê herêm li welatiyan qedexe kir. Ji tirsa leşker û cerdevanan kes newêribû biçe.” M.Ş.A. wiha got: “Yên diçûn jî bi dizî diçûn. Welatiyên bi navê Mîzbah Gezer û Şîrîn Ozturk jî zarokên wan di nava vê bûyerê de jiyana xwe ji dest dabûn hatin cenazên xwe dîtin lê nekarîbûn cenazeyên xwe wergirin.”
M.Ş.A. daxuyand ku piştî 5 meh şûnde Sercerdevanê bi navê Mizbah Kizilkaya destûr dan wan û piştî destûr hate dayîn nêzî 10 kesan çûn cihê bûyerê û cenaze defin kirin. M.Ş.A, wiha got: “Me li ber kaniya gund bi qasî metreyêkê ax kola û cenaze defin kirin. Pişt re me darek liber serê wan û darek jî li bin piyê wan çikand. Şahit, da zanîn ku Sercerdewan M.K. ê kanika wekî ezraîl bû û gel jê pir ditirsiya. Şahid, da zanîn ku welatî pir ji Sercerdevan M.K. ditirsiyan û li Pasûrê wekî dewletê dihat zanîn û her tim gefê mirinê li welatiyan dixwar.
Apê Haşim Ozturk (Rênas) Emîn Ozturk jî da zanîn ku cenaze zêdeyî 3 mehan li erdê man û biraziyê wî jî di nava 15 cenazeyan de bû. Ozturk, anî ziman ku piştî bûyer bihîst çû gund cenaze dît, lê cerdevan destûr nedan ku cenazayên xwe bigirin. Ozturk, daxuyand ku biraziyê wî di sala 1994 ‘an de tevli PKK’ê bû û di sala 1996’an de ligel 15 hevalên xwe jiyana xwe ji dest da. Ozturk, derbirî ku dema bûyer pêk hat malbata Haşim li Stenbolê bû dayik û bavê Haşim ji bo cenaze bigirin hatin Pasûrê, lê dewlet destûr neda cenaze bigrin. Ozturk xwest BDP li ser bûyerê raweste û heyetê ava bike û biçe gora wan ji nûve çêke. Ozturk, destnîşan kir ku ew naxwazin cenazeyan ji wir rakin.
Welatiyê ji gundê Seltenê Gafûr Topdemîr jî diyar kir ku di salên 1990’an de zilma dewletê pir zêde bû û wiha got: “Me ji ber zilma dewlet û cerdevanan mala xwebar kir û em çûn Stenbolê. Beriya ku em bar bikin leşker û cerdevanan her tim bi ser mala me de digirtin û zulim li me dikirin. Topdemîr jî anî ziman ku her kes bûyerê dizane û bûne şahidê 15 cenazeyan û cihê gorê jî zanin. AMED - DÎHA

Ev nûçe 233 car hate xwendin.
Yên pêsî || ên pistî >>

Nûçeyên Nûçe