Yekîneyên Midûriyeta Polîsan a Êlihê bi ser Şaredariya Êlihê û gelek malan de girt. Polîsan di serdegirtina malan de Cîgirê Şaredar Hayrettîn Caymaz, Piştevaniyê Veysel Çotak, Endamê Meclîsê Salih Altun binçavkirin û anîn avahiya şaredariyê û pişt re li Şaredariyê lêgerin pêk anîn.
Yekîneyên Midûriyeta Polîsan a Êlihê serê sibê li Êlihê, Amed, Sêrt û gelek cihên din saet di 05.00'an de bi ser gelek malan de girt. Polîsan di serdegirtina malan de Cîgirê Şaredar Hayrettîn Caymaz, Piştevaniyê Veysel Çotak, Endamê Meclîsê Salih Altun binçavkirin û anîn avahiya şaredariyê û pişt re li Şaredariyê lêgerin pêk anîn. Ji ber ku der barê sedema serdegirtinê de agahî nehat dayîn. Di lêgerîna şaredariyê de Wekîlê Şaredar Dicle Tekik, Endamê Meclîsa Şaredariyê Gulistan Akel, Mustaf Tugyildiz û Hamza Ayîş li şaredariyê radiwestin.
Li Amedê jî endamê Meclîsa BDP'ê Ercan Aslan, mala Ertugrul û hevsera wî Evin Tuncel binçavkirin. Tê gotin ku gelek kesên din jî hatine binçavkirin.
Hejmara binçavkirinên ku li Êlihê di encama serdegirtinên mal û şaredariyê de destpê kirine her ku diçe zêde dibin. Ji aliyekê lêgerînên midûriyeta Îmar û Emlakê ya şaredariya Êlihê berdewam dikin, ji aliyê din ve jî Cîgirê Şaredarê Êlihê Hayrettîn Caymaz, Şêwirmendê Şaredar Veysel Çotak û Endamê Meclîsa Şaredariyê Salîh Altun jî di nav de 6 xebatkarên şaredariyê, bi tevahî 9 kes hatin binçavkirin. Kesên hatin binçavkirin birin midûriyeta ewlehiyê ya Êlihê. Her wiha avahiya şaredariyê û avahiya xizmetê jî ji aliyê polîsan ve hat dorpêçkirin. Kesên ku dikevin avahiya şaredariyê jî ji kontrola nasnameyan re derbas dibin.
Navên kesên heta niha hatine binçavkirin wiha ne: Endamê Lijneya Rêveberiya BDP'ê Veysî Dîlekçî, Cigirê Serokê Teknîkê Hayrettîn Caymaz, Şêwirmendê Şaredar Veysel Çotak, Endamê Meclîsa Şaredariyê Salîh Altun, Midûrê Mûhasebeyê Abdurrahman Çagil, Midûrê Îmarê Mehmet Demîral, Endezyar Omur Saraç, Endezyara Hundirîn Serpîl Acar, Teknîker Nurî Ari, Teknîkerên Şantiyê Murat Ekmen û Huseyîn Usalan û Oktay Onatli. Hat hînbûn ku mala Endama Meclîsa Şaredariyê Çîgdem Demîr hat lêgerîn, lê Demîr nehat binçavkirin.
Lêgerînên Şaredariyê hêj berdewam dike. Di lêgerînan de gelek belgeyên fermî, klasor, CD û hardîskên komputoran jî hatin desteserkirin.ÊLIH-DÎHA

Ev nûçe 254 car hate xwendin.
Yên pêsî || ên pistî >>

Nûçeyên Nûçe