Li Amed, Êlih, Sêrt, Wan, Colemêr û Stenbolê bi wesîleya Hefteya Mafê Mirovan çalakî hatin lidarxistin. Di çalakiyan de hate gotin ku ev sal sala kuştin, girtin û binçavkirinê bû
ÎHD, MAZLUMDER, TÎHV, Baroya Amedê û Odeya Tebiban bi minasebeta 10-17'ê kanûnê hefteya mafên mirovan ji AZC Plaza heta Parka Koşuyolu meşek pêk anî. Kom heta Abîdeya Mafê Jiyanê meşiyan. Li ser navê komê Sekreterê ÎHD'ê ya Amedê Racî Bîlîcî, daxuyani xwend.
Bîlîcî bîlançoya binpêkirina mafên mirovan bi raporê aşkere kir û wiha got: "Di 10 mehên ewil ên sala 2011'an de di navde polîs, leşker û endamên HGP'ê bi tevahî 264 kesan di şer û pevçûnan de jiyana xwe ji dest dan. 288 kes birîndar bûn. Dîsa di teqînan de 60 welatiyên me yên sivîl jiyana xwe ji dest dan û 196 welatiyên sivîl birîndar bûn. Dîsa li herêmê 224 gorên komî hatin vekirin û hestiyê aydî 3058 kesan hatin derxistin. Di 10 mehên ewil de li herêmê 5331 kes hatin binçavkirin û 1589 kes hatin girtin. Dîsa 649 zarok hatin binçavkirin û jê 187 zarok bûn. Girtîgeh hemû tijene. Piştî 30'yê hezîranê ev hejar gihiştiye 124.074'ê. Hejmar zarokên girtî 2290 e. Hejmara girtiyên nexweş 263 ye. Ji vana 135'ê di sînorê mirinê de ne. Li gorî 10 mehên dawî 1337 kes di bin îşkeceyê rastî îşkeceyê hatine. Her wiha şîdet, tecawiz, tacîz û kuştina jinê jî derketiye asta herî jor."
SÊRT: ÎHD'a Sêrtê jî daxuyanî da çapemeniyê. Tevî endamên ÎHD'ê hevserokê BDP'a Sêrtê Seraceddîn Kayran, cîgirê şaredarê Sêrtê Abdullatîf Çekîn, Şaredarê Misircê Necat Yılmaz, Şaredarê Dihê Melih Oktayı, û gelek kes tevlî daxuyaniyê bûn. Serokê ÎHD'ê ya Sêrtê Vetha Aydın daxuyanî da û got; di sala 2011'an de mijarên wekî; îşkence, dadgehên rayeya bilind, binpêkirina darizandinên adilane, girtinên keyfî yên demdirêj, mafê azadiya fikir û xwevegotinê, girtina rojnamevanan, mirinên li girtîgehan, reda wicdanî, tundiya li hemberî jinê, pirsgirêkên dorhêl û ekolojiyê û windahiyên aborî û civakî ketin rojevê.
ÊLIH: MAZLUM-DER'a Êlihê bi boneya 10'ê Kanûnê roja mafên mirovan li avahiya şaxê daxuyanî da çapemeniyê. Tevî endamên ÎHD'ê Endam û rêvebirên Egitim Sen, SES, odeya dikandar û seneetkar û odeya bijîşkên Êlihê jî tevlî daxuyaniyê bûn. Piştî ku Serokê şaxê Hasan Argünaga li ser girîngiya heftê daxuyanî da, Endama teşebûsa Tirkiyeya bê teqemenî Hulya Ozevin, der heqê teqemeniyan de axivî û got; divê xebatên daneyan a ji destpêka çandina teqetemeniyan heta niha bê kirin. divê pêdiviyên kesên ku ji teqemeniyan birîndar bûne bên tespîtkirin. Ji bo van kesan jî bernameya çalakiya netewî bê pêkanîn.
WAN: ÎHD’a Wanê jî bi wesîleya hefteya Mafê Mirovan li baxçeyê Qesra Çandê daxuyaniyek da. Gelek kes tevli daxuyaniyê bûn. Serokê ÎHD Wanê Omer Işik diyar kir ku di sala 2011’an de ji felatên xwezayî yên li Cîhanê pêk hatine bi sedhezaran mirov terkî qedera wan hatine kirin û wiha got: “Mirovahî di warê starbûn, tenduristî, kar, perwerde, xwedîbûnê de mexdur bûye. Li Wanê piştî erdhêjê birînên gel nehatin pêçav û mafên wan hatin binpêkirin. Ji bilî erdhêjê pirsgirêka demokrasî û mafê mirovan jî pirsgirêk herî girînge. Di navçeya 1’ê çîle û 28’ê mijdarê de 101 leşker, 163 mîlîtan, 21 sivîl, 32 polîs, 13 cerdevan bi giştî 330 kesî jiyana xwe ji dest daye.”
COLEMÊRG: Bi heman munasebê ÎHD a Colemêrgê jî daxuyaniyek da. Nûnerê ÎHD’ê Şevket Akdemîr diyar kir ku ji roja ku ÎHD hatiye avakirin heta niha pirsgirêk mafê mirovan û demokrasiyê ya tirkiyeyê anîne rojevê û wiha got: “Sedema sereke a van pirsgirêka kurd, zimanû azadiya wîjdaniye.” Serokê Baroya Colemêrgê Kutbettîn Bayazît jî di daxuyaniyê de diyar kri ku mafê mirovan her diçe binpê dibe û wiha got pirsgirêk esas ya Tirkiyeyê pirsgirêka kurd e. DÎHA

Ev nûçe 326 car hate xwendin.
Yên pêsî || ên pistî >>

Nûçeyên Nûçe