Murat ÇÎFTÇÎ - ENQERE


Yenîdogan û Çînçîn rûyê tarî yê navenda siyaset û burokrasiyê û qerargaha artêş, holdîng, wezaret û parlementoyê paytext Enqereyê yê din e. Li her du taxan jî roman, kurd û tirk wekhev, wekî bira bi hev re bê pirsgirêk dijîn. Bi vê cudarengiyê tax ji "Neteweya demokratîk re" dibin mînak.
Her du tax jî ji ber ku betal û birçî mane dest bi bikaranîna esrar û eroînê-tiryakê kirine û van madeyan difroşin. Li gorî agahiyên ku welatiyên taxê dan, berî zagona der barê polîsan ya ku di sala 2006'an de hate derxistin, polîsan li dijî bi kar anîn û firotina madeyan ewlehî negirtiye. Piştî derxistina qanûnê ku polîsên Yunus jî hatin bikaranîn, li taxê welatiyên ku ji polîsan lêdan nedîne qet nemane û ji her malbatê kesek di girtigehê de ye. Di heman demê de yek jê roman û yek jê kurd 2 ciwan bi îdiaya ku li dijî banga polîsan ya "Raweste" nesekinîne hatine kuştin. Li gorî agahiyên ku welatiyên taxê dan, niştecihên taxê di malên ku ji xirabeyan pêk hatine de debara xwe bi karên înşaetê, bazarên fêkî û sebzeyan û bi madeyên esrar û eroînê dikin. Welatiyên taxên ku li kêleka taxa Ulus ya li Enqereya berê dijîn, nerazîbûna xwe ya li dijî TOKÎ û şarederiyê nîşan dan ku dixwazin avahiyên luks û modern ava bikin. Welatiyan diyar kir ku ew avahiyê bilind ên tên avakirin ne ji welatiyên taxê, dijberî vê yekê ji bo axa wan ji destê wan bigirin ava dikin. Li aliyê din jî malên ku tê gotin ji welatiyê taxê re ne bi buheyek gelek zêde tên firotan. Ciwanê taxa Yenîdoganê V.K. da zanîn ku dema AKP bu îktîdar û Abdulkadir Aksu jî bu Wezîrê Karê Hundir ji ber ku cîvanên kurd bibin eroînkêş polîsan li dijî bikaranîn û firotina esrar û eroînê ewlehî negirtine û teşvîk kirine. V.K. diyar kir ku piştî qanûna der barê polîsan de hat derxistin û polîsên Yunus hatin avakirin zordariyek gelek zêde ji polîsan dîtine û welatiyan li Kizilayê rûyê polîsan ê baş, li Yenîdogan û Çînçînê jî rûyê nebaş dîtine. V.K. da zanîn ku taxên wan li berî darbeya leşkerî ya 12'yê Îlonê wekî kelahê çepgiran bûne û ji ber ku wan piştgiriyê nedin çepgiran polîsên Yunus wana dikujin û zordariyek gelek zêde li wan dikin. V.K. da zanîn ku 200 cîvanên wan di girtigehê de ne û di nava 200 ciwanên girtî de ji hemû civakê hene. V.K. anî ziman ku ciwanê wan ê bi navê Bulent Tektaş bi lêdan polîsan seqet ma.
Ajokarê teksiyê M.S.’ê ku li Rawestgeha Sakalar Teksî dixebite, diyar kir ku ji ber ku ji ber betaliyê ciwan û zarok tiryakê bikar tînin û wiha got: “Welatî betalin. Zarokên 16 salî esrar, eroîn û kokainê bikar tînin. Ez şahidê zarokên ku ketine komayê me. Polîsên Yunus li welatiyan zordariyê dikin. Ji ber ku esrar û eroîn ê bi kar anîn. Li gorî min bi zordariyê esrar û eroîn ji taxê rana be. Pêwîst e dewlet derfetên kar amade bike.” DÎHA

Ev nûçe 480 car hate xwendin.
Yên pêsî || ên pistî >>

Nûçeyên Civak û Jiyan