Operasyonên li hember çapemeniya azad bi girseyî hatin şermezar kirin. Serokê Cemîyetê Faruk Balikçi, diyar kir ku ev êrîş li dijî ramana azadiyê ne û dixwazin bi tirsê rojnamegeran ji rastiyê dûr bixin. Edîtorê DÎHA'yê Abdurrahman Gok jî anî ziman ku berî bi bombe û kuştinê êrîş dikirin, niha jî bi girtin û binçavkirinê dixwazin dengê gel qut bikin. Parlamenterê BDP'ê yê Amedê Altan Tan jî anî ziman ku kesên xwestin bêdeng bikin kursî terk kirin û çûn, lê em hêj li vir in û em dê her tim li vir bin.
Kedkarên çapemeniya azad operasyona li hember rojnamegerên kurd li Amedê bi daxuyaniyê şermezarkirin. Di Daxuyaniyê de Parlamenterê BDP'ê Altan Tan, Serokê Cemîyeta Rojnamegerên Başûrê Rojhilat (GGC, Hevseroka BDP'ê Zubeyde Zumrut, rêveberên BDP'ê Seroka TUHAD-FED'ê Zubeyde Teker, endam û rêveberên Înîsiyatifa Dayikên Aştiyê, rojnameger, nivîskar, nûnerên KESK'ê, ÎHD, MEYADER û gelek sazî û rêxistinên din amade bûn. Di çalakiyê de girseyê dirûşmên ‘Êrîş me bêzar nakin’, ‘Em bê deng namînin’, ‘Em ji rastiyan tawîzê nadin’, ‘Hûn nikarin çapemeniya azad bêdeng bikin’ berz kirin. Hin rojnamegeran jî devê xwe bi banda reş girêda.
Editorê DÎHA'yê Mehmet Alî Ertaş, diyar kir ku ji ber ew her tim rastiyan ronî dikin û deşîfre dikin rastî êrîşan tên û wiha got: "Ji ber ku em rastiyan dibêjin di salên 1990'an de em hatin bombekirin, pişt re em hatin kuştin, lê em têk nebirin. Niha jî bi girtin, binçavkirin û serdegirtinan dixwazin me têk bibin. Lê bila baş zanibin ku bi tu awayî tu hêz nikare me têk bibe. Em duh li vir bûn, em niha li virin û em dê her li vir bin." Ertaş, anî ziman ku ew dê her tim rastiyan deşîfre bikin û tariyê ronî bikin.
Serokê GGC'ê Faruk Balikçi jî anî ziman ku li Tirkiyeyê yekem car bi 10'an rojnameger tên binçavkirin û ev di dîroka Tirkiyeyê de gava yekem e. Balikçi, da zanîn ku ji bo çapemeniyê azadiya ramanê nebe nabe û niha ev êrîşa li dijî rojnameger û saziyên çapemeniyê nayê qebûl kirin. Balikçi da zanîn ku ev yek li dijî demokrasiyê darbeyek e.

OPERASYONA AKP’Ê
Edîtorê DÎHA'yê Abdurrahman Gok jî anî ziman ku dise, demek dirêje êrîşên li dijî hêza muxalif zêde bûne û herî dawî çapemeniya azad ji xist nava pêlên xwe. Gok, da zanîn, di serdî de li dijî siyasetmedar û nûnerên kurd pêla girtin û binçavkirinê berdewam kir, pişt re li dijî parêzeren Buroya Hiqûqê, hîndekaran pêla girtin û binçavkirinê dest pê kir û niha jî vê pêla girtin û binçavkirina çapemeniya azad û DÎHA xist nava xwe. Gok, destnîşan kir ku ev operasyon bi ferman û destûra hikûmeta AKP'ê pêk tên û wiha got: "Êdî ker û kor jî dizanin ku ev operasyon bi destê hikûmeta AKP'ê pêk tên. Em dizanin ku beriya operasyon pêk tên fezleke tên amadekirin.” Gok, bilêv kir ku niha hikûmeta AKP'ê şerê derûnî dimeşîne û dixwaze bi hêza çapemeniyê vê çekê li ser civakê pêş bixe. Gok, destnîşan kir ku Hikûmeta AKP'ê her tim li dijî muxalifan êrîşê pêk tîne û wiha berdewam kir: "Hêj duh bombe kirin û kuştin, niha jî bi serdegirtin û binçavkirinê dixwazin belav bikin. Lê bila hikûmeta AKP'ê û MÎT baş zanibe ku ne hêza wan û ne hêza tu kesên din nikarin me bêdeng bikin.”
Gok, bilêv kir ku berê berî bi bombekirin û kuştinê xwestin wan bêdeng bikin, lê niha bi girtin û biçavkirinê dixwazin wan bêdeng bikin û wiha got: "Niha jî zêdeyî 60 rojnameger û xebatkarên çapeeniya azad hatin binçavkirin. Lê em bi van binçakikirin û serdegirtinan bêdegn namînin. Em dê rêya xwe ya Apê Musa û çapemeniya azad berdewam bikin. Em êrîşên li dijî hemû buroyên me û binçavkiirina hevalên xwe şermezar dikin.
Parlementer Altan Tan jî êrîşên li dijî çapmeniya azad yermezar kir û wiha got: "17 sal berê dema ku Ozgur Gundem bombe kirin ez li wir bûm. Niha jî dema rojnameger hatin binçavkirin em li virin. Wê demê zarokên 13-14 salî bi guleyan kuştin, niha bi girtinê belav dikin. Lê hêj ev tekoşîn didome. Kesên wekî Tansu Çiller, li dijî çapemeniya azad êrîş pêk anîn, barkirin û çûn, lê em li vir in, heta niha 5 serokwezîr hatin û çûn em dîsa li vir in. Em dê her tim li vir bin. Em bagn li serokwezîr dikin, em dê li vir bin, lê tu dê ne li vir be û tune be.
Piştî daxuyaniyê hemû rojnamegeran kamera û wênekêşên xwe rakirin û binçakirin şermezar kir. AMED - DÎHA

Ev nûçe 285 car hate xwendin.
Yên pêsî || ên pistî >>

Nûçeyên Polîtîka