Çagdaş KAPLAN - STENBOL


36 hey pawitoxê Serekê PKKî Abdullah Ocalanî amey girotiş û dozgerê komara Stenbolî zî tay cayan ra wengê ke amey qeydkerdiş waşt. Dimara heşê merdiman de ey perse yena vatiş “Ey xeberdanî çicayê amey qeydkerdiş û çiqay êy nîno zanayiş?”
Heqê pawutoxanê Ocalanî de veroci zî zaf rayan deway bîbî a. Encax nika de ey qeydî vejyay meydan û qeydan de hêjmarey sîcîl çîno û kesê ke ey qeyd kerdo nêvejyeno meydan.
Bi namey KCKî 36 pawitoxê serekê PKKî Abdullah Ocalanî zî amey bî girotiş. Semedê girotişê pawitoxan zî qeydê xeberdayişê pawitoxan û Ocalanî yo. Kes nêzano ke, ey qeydîy bêqanûnî çaway ameyo viraştiş. Dozgerê Komarî ya Stenbolî eyd qeydîy waştî. Qeydê ke dozger Îsmaîl Tandogan waştî bîy, amey encax heşê merdiman de ey persî mendîy: “Îmralî de ey xeberdanî bi çi hawayî ameyê qeydkerdiş. Û ey qeydîy rast êy, an zî zûr êy?” Heqê pawitoxanê Ocalanî sero de Dadgehê Bursa ra zî xeberdan ame waştiş. Dimara vejya meydan ke qeydo ke destê dadgehê Stenbolî de bê îznê dadgehî ameyo qeydkerdiş û hêjmara sîcîlî zî çino.
Eyna ra yew heb zî pawitoxê Ocalanî Îbrahîm Bîlmez, Servet Ozen û Mehmet Bayraktar û heqê ey pawitoxan de serrey 2006’î de dawa abibî û ey wextî zî dadgehê Bursa ra qeydê xeberdanî ameybî şirawutiş, ey qeydan di destxêza bi namey Turgay Turanî bi. Gorey qanûnî gerek hêjmarê sîcîlî bêro nuştiş.

QEYDÊ VENGAN WAŞTÎBÎ
2006 di Bîlmezî derheqê Ozen û Bayratar semedê ke pêvînayişê bi Ocalanî dayo medyayî û cemawereyî Dadgeha Ceza Giran a 14’in ya Stenbolî di dawa akerdîy. Serdozgereya Bursayî qeydanê vengê pawitoxan waştbi. Waştişê ame nirxnayiş û dadgerê înfaza 1’win ya Bursayî pêvînayişê pawitoxan ya dîroka 8 midara 2006 di girot binê mercegî û qeydê vengan sero cigeyrayiş pêk ard.
Teyipa mîkor ya markeya MC-60 bi zarafa girote ya sero ‘nimiteyo’ ame eşrawitiş. Mîyanê ney qeydan di pêmanayişanê zaf estêy. Çîyê ke bala merdiman onceno, no delîl dê di warê hiqûqî di çiqas bibo bersiv o? No zî zaf îşaretanê pesan mezgan di verdano.

KAMÎ KERDO BELÎ NÎYO
Nusteyê ke ameyo nuştişî di, qaşo nu veng bi nezareta dadgehî di ameyo goşdarîkerdene û 16 rûpelan ra pêk yeno. Qabê ke no belge hiqûqî bibo, lazimo ke hurma sicîla dadgehî û memûran bîyamaynê nuştiş. Binê ney di destxêzeke esto û tenê nameyê Turgay Turan ke ‘kesê zane’ eyseno esto. Bi heme kiştan boya bêhiqûqî eyseno.

KAM NIMNENO?
Hetê bînî ra Serdozgereye Komarî ya bi gureyê xusûsî, nuşteyê miqamanê adlî û ewleheyî eşrawit ke adara 2010 ra naşt yanê despêkerdişê dawaya KCKî ra hetanê ewro qeyadê venganê pêvînayişê bi Ocalanî ra waşto.
Nêy qeydî derqanûnî yê û miqamî bersiva xo di ardo ziwan ke qeydanê vengî înan di çînê. Venganê ke bi pawitoxan ra pêvînayiş pêk ardê kam û çica yeno nimitene nîno zanayiş. Hetanê ney gamî di ney mijarî di bêvengey esto. DÎHA

Ev nûçe 263 car hate xwendin.
Yên pêsî || ên pistî >>

Nûçeyên Kirmanckî