Li girtîgehan ne zext ne jî zordarî bi dawî nabin. Her roj bi awayekî cuda binpêkirina mafan ên li girtîgehan derdikevin pêşberî me. Herî dawî hat hînbûn ku li girtîgeha Wanê girtî 2 roj li qada goglîstinê razan e û piştre jî hatine sirgûn kirin. Alikarê Şaredarê Tetwanê Nedîm Işikê ku niha li Girtîgeha Tîpa E ya Gîresunê de dimîne got ku binpêkirina mafan bi dawî nabin.
Alikarê Şaredarê Tetwanê Nedîm Işikê ku niha li Girtîgeha Tîpa E ya Gîresunê de dimîne bi nameyeke rewşa xwe û hevalên xwe vegot. Alîkarê Şaredarê Tetwanê Nedîm Işik diyar kir ku ew û hevalên wî berê li Wanê di girtîgehê bûn û wiha pê de çû: “Em li girtîgeha Wanê bûn. Erdhej pêk hat, piştî erdheja sêyemîn me 2 roj li qada goglîstinê dan sekinandin. Em 2 roj li hewşê razan. Piştî wê jî ji me re gotin em ê we sewqî girtîgehên bajarên derdorê Wanê ku hûn ji malbatên xwe dûr nekevin. Heta ku me li rîngê siwar kirin jî em nizanibûn ku me dibin ku de rê. Piştî ku em ji Agiriyê derketin hê j ime re gotin ku em we dibin Gîresunê, wê demê em fêm kirin ku ev me ji malbatên me û ji parêzerên me dûr dixin.” Işik balkişand ser polîtikayên qirêj û wiha pê de çû: “Niha malbatên me nikarin bên hevdîtinên me. Gelek hevalên me hene ku hêj haya wan ji malbatên wan tune ne. Hêj têkilî nikarin bi malbatan re deynin. Ji xwe armanca sirgunkirinê jî ev yek bû.”
Işik der barê rewşa girtîgehê jî diyar kir ku girtîgeha Tîpa E ya qaşo kirina Tîpa F lê hêj nebûye Tîpa F. Işik da zanin ku cihê ku lê dimînin jî gelek teng e û wiha got: “Odeya ku divê 3 kes tê de bimîne em 6 kes tê de dimînin. Ez û hevalên min ên ji Wanê hatine vir, Şehmus Yilmaz, Metin Yardimci, Îbrahîm Kurt, Îbrahîm Ozdek û Surmelî Eşsiz dimînin.” Işik xwest raya giştî li dijî van bi hestyar bin. AMED

Ev nûçe 937 car hate xwendin.
Yên pêsî || ên pistî >>

Nûçeyên Nûçe