Operasyona li dijî Ajansa Nûçeyan a Dîcleyê û Rojnameya Ozgur Gundemê û xebatkaran li ber navenda rojnameyê ya li Stenbolê bi daxuyaniyekê hate şermezarkirin. Di daxuyaniyê de hate xwestin ku êrîşên li dijî çapemeniya azad bi dawî bibin. Gerînendeyê rojnameya Gundemê Eren Keskîn diyarkir ku ev operasyon li dijî çapemeniya kurd e, balkişand ser zextên salên 90’î û wiha got: “Me dest jê berneda em dest jê bernadin û em li vir in.”
Xebatkên çapemeniya azad, nûnerên partiyên siyasî, sendîkavan û gelek kesên din tevlî daxuyaniyê bûn. Di dema daxuyahiyê de polîsan li rojnameyê lêgerîn dkirin. Di daxuyaniyê de pankrat "Duh bombe îro binçavkirin çapemeniya azad bêdeng namîn e" û navên rojnamegerên hatin girtin û binçavkirin hatin hilgirtin. Xebatkarên çapemeniyê jî wênekêşên xwe danîn erdî operasyon protest kirin. Edîtora Ajansa Nûçeyan a Etkînê Derya Okatan daxuyanî xwend û diyar kir ku operasyon li gorî plansaziya hikûmeta AKP'ê pêktên. Okatan, anî ziman ku Beşîr Atalay got ku "Hemû opeasyonên bi navê KCK'ê bi kordînî hatin nîqaşkirin, biryar hatin girtin û bi plansazî tên meşandin." Okatan, da zanîn ku 66 rojnameger niha girtîne û wiha got: "Gelo ev e demokrasiya pêşketî? Ev e azadiya çapemeniyê? Em ji Serokwezîr Tayîp Erdogan û Alîkarê wî Beşîr Atalay dikin serdagirtina rojnameyan, binçavkirina rojnamgeran perçeyekî plan û pêşniyarên we ne."
Okatan got "Cihê çapeniya azad bêdeng hate hiştin dê wijdana civakê bê girtin. Em destûrê nadin ku wijdana civakê reş bikin." û wiha axaftina xwe berdevam kir: "Bila terora binçavkirinê ya li dijî çapemeniya azad demildest bi dawî bibe. Di serî de êrîşên li dijî Ajansa Nûçeyan a Dîcleyê û rojnameya Ozgur Gundemê û hemû rojnamegerên muxalîf bi dawî bibin. Kêsên hatin binçavkirin divê demildest serbest bên berdan. Bila zagona TMK'ê ya ji bo çapemeniya azad hate çêkirin bê rakirin. Dadgehên Cezayên Giran ên bi peyaya taybet bên belavkirin."
Gerînendeya Rojnameya Ozgur Gundemê Eren Keskîn jî wiha got: "Ji roja me wekî Ozgur Gundemê dest bi xebatê kir heya niha em her tim rastî zextan hatin. Min di salên 90'ê de parêzeriya rojnameyê dikir. Ev 20 sal zêden e her tişt bi serê rojnameyê hat. Rojnameya me hate bombekirin. Nivîskarên me hatin qetilkirin. Belavkarên me yên biçûk hatin qetilkirin. Îro operasyonên bi navê KCK'ê tên kirin berdevam wan zextan in. Ez hinek çapemeniya wekî operasyona KCK'ê nîşan didim şermezar dikim. Ev li dijî çapemeniyê operasoneke. Ev li dijî çapemeniya kurd operasyonek e. Hemû kesên wekî KCK'î hatin nîşandan ew kes in ên dixwazin pirsgirêka kurd bi riyên demokratîk bên çareser kirin in. Ji ber vê yekê em hemû dibêjin em 'KCK'î' ne. Me dest jê berneda em dest jê bernadin û em li vir in."
Serokê Giştî yê ODP'ê Alper Taş jî wiha got: "Ev terora dewletê ye. Gelo çima êrîşê li Gundemê dikin? Ji ber ku Ozgur Gundem dixwaz hemû gel bi hev re bijîn. Ji ber ku dixwaze pirsgirêka kurd bi riyên demokratîk çareser bibe.
Alîkara Hevseroka Giştî ya BDP'ê Fîlîz Koçalî jî wiha got: "SUrprîz nebû. Ji xwe naveşêrin. Wezîrê Karên Hûndir, Serokwezîr bi awayekî elenî dibêjinev operasyonên siyasî ne. Lîsteyê serokwezîr amade dike. Li aliyekî jî dibêjin azadiya çapemeniyê heye. Tirkiye di mijara azadaiya çapemeniyê de li navneteweyî di rêz herî dawî de ye."
Gerînendenê Rojnameya Atilimê Îbrahîm Çîçek jî axivî û bal kişand ser zext û zordariyên li ser çapemeniya azad û wiha got: "Heya niha sosyalîst û şoreşgean li dijî faşîstan bi hev re têkoşîn da. Dê îro şunda jî ev yekê berdevam bike û em dê bi vê yekê ser bikevin." STENBOL

Ev nûçe 682 car hate xwendin.
Yên pêsî || ên pistî >>

Nûçeyên Nûçe