Navenda Çandê ya Feqiyê Teyran ku ji aliyê Şaredariya Colemêrgê ve hate avakirin bi merasîmekê hate vekirin. Di merasîmê de gelek hunermend derketin ser dikê.
Şaredariya Colemêrgê bi boneya di warê çand û hunerê de ji bo welatiyê Colemêrgê bibe bersiv, Navenda Çandê ya Feqiyê Teyran bi merasîmek mezin vekir. Beriya vekirina Navenda Çandê bi sedan welatî li qada navendê kom bûn û li ber def û zurneyan govend gerandin. Di vekirinê de Serokê BDP’a Colemêrgê M. Siddik Yildirim, Şaredarê Colemêrgê Fadil Bedîrhanoglu, Endamên Însiyatifa Dayikên Aştiyê Şaredara Geverê ya berê Ruken Yetîşkîn, nûnerên saziyên sivîl ên civakî û gelek kesên din amade bûn. Kurdaleya navenda çandê ji aliyê endamên Dayikê Aştiyê ve hate birîn. Piştî kurdela hate birîn, mêvan li salona Navenda Çandê ya Feqiyê Teyran geriyan. Piştî vekirinê konser hate dayîn. Li qada merasîmê pankarta ‘Em hûm KCK’î ne’, ‘Huner lêgerîna heqîqetê ye’, ‘Huner watekirina evîneke qedexe ye’, ‘Çand ronahiya civakê ye’ û ‘Ji tecrîda Îmraliye re bes e’ vekirin. Dîsa posterên Yildirim Ayhan û Aydin Erdem hatin daliqandin.
Di merasîmê de şaredar Bedîrhanoglu, anî ziman ku ew hewl didin ku gelê Colemêrgê ji xizmetê mehrûm nekin ku ger nasnameyek gelekî pêş bikeve dê bi çand û hunerê pêş bikeve û ew dê piştgiriya xwe ya ji bo çand, huner û ziman bidomînin û wiha doman: “Niha 6 milyon TL deynê şaredariyê li welatiyan e. Ji kerema xwe re me nekin mohtacê dewletê û deynê xwe yê şaredariyê bidin. Ger ku hûn deynê xwe bidin em dê xizmeten baştir bikin.”
Piştî axaftinê Koma Gulên Xerzan, Rojbîn û Kadir Çat derketin ser dikê û konser dan. Merasîm bi gerandina govendê bi dawî bû. COLEMÊRG - DÎHA

Ev nûçe 408 car hate xwendin.
Yên pêsî || ên pistî >>

Nûçeyên Çand û Huner