NAVENDA NÛÇEYAN - AMED


Roj nîn e ku li Sûriyeyê di navbera çalager û artêşa Sûriyeyê de, di navbera artêşa leşkerên veqetiyayî û artêşê de pevçûn rû nedin. Di encama van pevçûnan de gelek kes jiyana xwe ji dest didin û pirsgirêka gel a bi rejîma Beşar Esad re jî li cihê xwe dimîne. Di vir de rol û rista Tirkiyeya ku di destpêkê de behsa herêmeke tampon dike jî girîng e.
Tirkiye her çiqas bi fikara herêma tapon dê Sûriyeyê bi awayekî demokrafîk a mezhebî cuda bike dev ji vê projeyê berdebe jî hîn jî binve binve muxalefeta Sûriyeyê li hemberî Esad dizêrîne û wan bi çek dike. Ji xwe muxalif jî çiqas bixwazin bicivin ewil serî li Tirkiyeyê didin.

POZÎSYONA TIRKIYEYÊ
Vê pozîsyona Tirkiyeyê dewletên Rojhilata Navîn jî nerehet dike. Herî dawî vê nerehetiyê ji aliyê Muqteda el Sedr ve hat ziman. Serokê Tevgera Sedr li İraqê, Hikûmeta Tirkiyê bi wê yekê gûnehbar dike ku destlêwerdana karûbarên navxwe yên welatên navçeyê dike. Serokê Tevgera Sedr Muqteda Sedr di daxuyaniyekê de bi tundî êîişî Hikûmeta AKP’ê kir û Tirkiye bi wê yekê gunehbar kire ku destlêwerdana karûbarên navxwe yê welatên Rojhilata Navîn dike.
Sedr di daxuyaniya xwe ya ku AKP’ê hedef digirede wiha dibêje: “Tirkiye dixwaze şikestina deshilatdariya Mubarek a li Misrê û Îrana tijî pirsgirêk ji bo berjewendiyên xwe bi kar bîne. Ger ev yek di cîhana siyasetê de karekî hêsan be, ev nayê wê wateyê ku Rojhilata Navîn bê şivan û polîs e. Bila Tirkiye bi sedan pirsgirêkên xwe yên navxweyî çareser bike û piştre fikra çareserkirina pirsgirêkên welatên din bike.”

RAPORA HRW’Ê
Ligel daxuyaniya Sedr rapora HRW’ê ya der barê rewşa heyî ya li Sûriyeyê jî aloziya heyî radixe ber çavan. Rêxistina Çavdêriya Mafên Mirovan di raporekê de navê 74 berpirsên rejîma Esad aşkera kir ku destê wan di kuştin û sûcên li dijî welatiyên sivîl de heye.
Rapora HRW’ê ji 88 rûpelan pêk tê û tê de tawanbariyên rejîma Sûriyeyê bi belge tine ziman. Ew zanyarî ji leşker û efserên artêş û ewlehiya Sûriyeyê hatine wergirtin û tê de diyar dikin ku çawa biryar ji wan re hatiye bi hemû şêweyan xwepêşandanan serkut bikin.
HRW tawanên li Sûriyeyê rû didin bi sûcên li dijî mirovahiyê bi nav kiriye û daxwaz ji Civata Asayişa Navneteweyî dike Esad û ew 74 kesan li Dadgeha Tawanên Navdewletî bên darizandin.

HEYETA IRAQÊ
Welatên ereb ên Rojhilata Navîn ji ber ku ji rol û risra hêzên hegemonîk der barê herêmê de li Tirkiyeyê kiriye nerazî ne û dixwazin pirsgirêkên herêmê ew bixwe çareser bikin. Di vê çarçoveyê de Iraq xwe amade dike ku heyeteke aştiyê rê bike Sûriyeyê.

HEYETA BO AŞTIYÊ
Heyeta ku şêwirmendê Serokwezîrê Iraqê serokatiya wê dike, bo hevdîtinên aştiyê giha Sûriyeyê. Ji İraqê bi awayek fermî Heyetek ji bo hevdîtinên aştiyê serdana Sûriyeyê kir.
Hat ragihandin ku Heyeta dibin serokatiya Şêwirmendê Serokwezîrê İraqê Nûrî Malikî, Elî Musewî û şêwirmendê ewlekariya neteweyî Felah el-Feyyad de çûn Şamê.
Musewî diyar kir ku wê ligel endamên Heyetê ji bo xwîna ku li Sûriyeyê tê riHeyetin bi dawî bibe guftûgoyan bikin.

Ev nûçe 382 car hate xwendin.
Yên pêsî || ên pistî >>

Nûçeyên Cîhan