DENÎZ DOGAN

Di aşma hikûmata AKP, Reyberê Şarî Kurd û parazwanê yî ra vînayîşê yewbînan yîn qedexe kerda. Şarê ma di aşman o ke Rayberê xo meraq kênî û wazenî, yew roj ewil yî ra xeberêk bigîrî. O semeda hem teber hem zî zerre da her roj vîcênî sêr qûcû, cadeyan û qadûn. Labelê hikûmata AKP bi zonayîş ra her car waştêkê parazwanê Rayberê şarî kurd pêyser çarnenî û niwerdênî yewbînûn bivînî. Îta mesele nê têna çend roj, nîyo çend aşmî vînayîşê yewbînan yîn qêdexê bikîrî. AKP îta ha zaf xirab kaykena. Nîyêtê AKPî de zaf xirabî û tehlikê têda esta. Vêr çend aşmî qisê Erdogan ma bîyarê xo vîr: “O çî kî heya îkê yewûndas hikûmatê ca niardo ma ayê bikerî û kam çi vano wa vaco”. Ina vatê Erdogan yena çi watê! In vatê yî da xirabîyê ke gird hesta, tertele-qatlîam esta, girewtiş û waştekê kurd qedînayîş esta. Xo ra partî û muhalefetê tirkan sêr pêynîardişê kurdab, yewbînûn ra kerda. Senî kê wext weçînayîş-helbijartin da nijadperest Dewlêt Bahçelî bend hêştên wertê û vatên AKP wa waştekê ma bîyoro ca, Erdogan zî îkê sêr ina nîyet ra nîzdî beno û wazeno kurdan bitersîno. Hereketa Azadî û şarê ma inê têna sê yew şantaj û tehdît fahm nikenî. Ina nizdîyayê yîn ser Rêber APO se, yew mudahele vînênî. PKK û şarî kurd raxmê her çî hê sabir mocnênî ra kî hikûmatê AKPî wa xeletîyê xo ra açaryo. Hekê rewş ina berdewam bikira neyra tepîya her çî daha xirab bibo. Ma hêşkên vacî ke AKP o semeda ha adir ra kaykena û hol nezona ina yena çi vatê. Dewletê Tirka û ê bînî, wa hol bizonê kî ina nizdîyayê yînan yena peynîyê dewletê tirk. Nê kê nêyra tepîya bîn yew dewlet da kurd û tirk bicuyî, pîya cuyayîşê di Milet zî o wext îmkan yî nimonêna. Ina yena watêyê ke mîyan kurdan û tirkan tertele ke ceng kê hezar serr biromîyo.
Rêyber APO, semêdê kurdan yeno çi watê, dewletê tirka ganî hol fahm bikiro û bizono. Derhêqê Rêberê şarî kurdan de kam çi namê keno wa pano, kam çi watê dano wa bido, raxmê yîn kes ze, şarî kurdan û ze kadroyê hereketê azadî nişkeno watê bido û fahm bikero. Ganî – eger heya îkê nîzdîyê se û pancas kesîy xo semedê Rayber APO vêşnawa, bi hezar tênî nefês xo peynîda vato û vonê: “Bijî Serok APO” neyra tepîya zî, in merdimî heşkenê semedê Rayberê xo her çi bikîrê û bifikiryê. Kurd niwazeno ina mesela qet û qet biyar xo vîr zî. Herkês hol zano ke, no wext nê wexta vêrîn a, nê zî kurd kurdê vêrîn ê…
Ze şarê kurd neyra tepîya semêdê Raybêr APO ma çî bikê sero bivindirî. Semêd kurdan Raybêr APO yena çi watê ganî (gerek) ma êyê bimocnê herkêsî ra. Dost û nêyar şarê ma yewna rê hol bivînî kî, heqîqetê Raybêr APO û girêdayîya şarî ma senîn a, ganî hol fahm bikerî. Taybêt ciwan, kênêk, lac, camerd û cînîyanê kurdan kam ca benî wa bibêy çinê dêst yîn ra yenna ganî-gerek êyî bikerî. Herkês gorê qiwêt xo heskenê xo çî bikirê. Kam ca ma vînîkerdo ûca di qezenckerdiş zî ganî ma ûca bigerê. Dewletê AKPî çend serra hêt sîyasî û aborî polîtîqayê xapînayîş sêr şarê ma rumit û xo ser gunîya kurdan û tirkan, xo bi quwet kerda. AKP kam rahar ra bîya quwêt, eynî rahar ra ma heşkenî yê ra bidê vînîkerdîş. Eyra tepîya her merdim ma senî kê hêt sîyasî tekoşîn dano, ganî het aborî da zî semedo binkotişê dewletê AKPî, tekoşîn bido û AKP berzo tebêr sîyasêtî. Êyî ke wazênê peynîya şarî ma bîyarî ganî hêr heta ma zî pêynîyê yîn bîyari. Kam yew kurd, kam ca kar-gurê dewlêt keno cay xo da tekoşîn bikiro. Gorê quwêt xo, îmkanê xo, çînê heşkeno wa eyî bikiro. Merhala ke ma hê tira vêrenî menfeatê şexşî ganî ma yew heta verdê, menfeeta komî bigîrî vernî. Heya Raybêr ma, welatê ma û şarî ma azad nibo, xelasîyê ma zî çinîya. Ma zaf hol zanênî ke xelasîya kurdan, yena mana xelaseya şarê bînan zî.
AKP îkê wazêna çi bikiro? AKP îkê paştîya xo dawa Amerîka û herema Rojhilata Miyanin da dest yê ra çi yena wazena ayê bikiro. AKP inê semêd ra, xo yew firsêt vînena û heya yew wext ina firsêt wazêna bido şuxulnayîş. Mesela Îsraîl, Qibris zî hol yena zanayîş… AKP kalmê xo hintay ze Donkîşot êrîş kena herkesan sero. AKP ina quwêt xo zî vînayîş da bînkewtişê artêşa tirka ra gena. Senî ke vana vêrnîyê artêşê tirka da ez ser kewta, ma îkê ez senî nîşkeno vernîyê PKK nîyo zî vernîyê dewletê bînan sero bikerî. Qasêk hêsena dewletê AKP xo vîna kerda. Esas harbûnê AKP îta ra yena. Gore yê vernîyê arteşa tirkan da serkewta. AKP vernîyê artêşa tirka da êsas ser nikewta. Artêşa tirka û pergalê-sîstêmê yîn 30 serra vernîyê PKK da ceng kerd û tekoşîn da û peynî da binkewta. O semeda artêş-dewlet bi waştekê xo her çî da dêst AKP û vernîyê AKP kerd a. Vînayîş da herkes vano AKP, artêşa tirka teslîm girewt û serkewt… Ina binkotiş, bînkotişa pergalê yîna. Sêr ina vînkerdiş û tecrûbê senî vînkerdişê ra yewna ra wazena ser bikorî. Hem zerê Tirkîya di hem zî, tebêrê ci di vernîyê PKK da binkotişê xo niwazena û nîşkêna bîyor ziwanî. Her çendêk nişko zî heqîqêt nîna nimitîş. AKP yeqînîyê xo hem zerrê da hem zî teber da vînî kerda. Nîyêt yê xirab û dirûyîyê ya, îkê hetê herkêsî ra daha hol vînayîş. Neyra tepîya zî dest yê da zêdê teway nimendo kî şarê û şarê tebêr bixapîno. O semeda AKP biya har û yewna rê sê ê bînûn wazena sarê xo bido kereyî û qûcû Qendîl. Îkê pîyor gerîlla vanî kê: “Ma xo zaf hol hedrê kerda û bêsabirî ma hê pawenê”.

Ev nûçe 1090 car hate xwendin.
Yên pêsî || ên pistî >>

Nûçeyên Forum