Îsal Cejna Qurbanê di nav şîn û xemgîniyê de hate pêşwazîkirin. Cejna ku jigelan re dibe wesileya, aştî, biratî, wekhevî û xweşiyê ji bo kurdistaniyan jî bû roja şîn û xemgîniyê. Kurdistanî bi erdheja Wanê, bi operasyona siyasî û leşkerî, bi qetilkirina jinê cejn peşwazî kir. Li Kurdistanê hewaya cejnê zêdetir şîn serdest bû.
Îro 3’yê cejne yê û welatiyan di roja yekem piştî nimêjê goristan ziyaret kir. Her 4 aliyê Kurdistanê welatî êşa welatiyên ku ji ber erdhejê mexdûr bûne û 36 gerîlayên HPG’ê yên bi çekên kîmyewî jiyana xwe ji dest dane parvekirin.
Heyeta KCD û BDP’ê ku ji Hevserokên Giştî yên BDP û KCD’ê, parlamenter û şaredarên BDP'ê pêk dihatin hatin Wanê û 3 roj in bi 3 koman li gund û taxên Wan û Erdîşê geriyan. Heyeta ku bû 3 kom û welatî ziyaret kirin hem pirsgirêkên welatiyan tespît kirin û hem jî cejna welatiyan pîroz kirin. Heyetên ku çûn Wanê êş û azarên van parvekirin.

HEWAYA ŞÎNÊ SERDEST BÛ
Her wiha 36 malbatên endamên HPG'ê yên ku li Geliyê Tiyarê ya navçeya Çelê di operasyona TSK'ê de bi çekên kîmyewî jiyana xwe ji dest dan di nav şînê de cejn pêşwazî kirin. Her çar parçeyên Kurdistanê êş bû yek û li şûna hewaya cejnê şîn serdest bû.
Welatiyên Mexmûrê bi minasebeta Cejna Qurbanê piştî nimêja cejnê bi serdana Goristana Şehîdên Penabertiyê û Saziya Malbatên Şehîdan ziyaret kir. Gelê li Wargeha Mexmûrê cejna xwe ya Qurbanê bi dilşkestinê pêşwazî kirin. Gelê wargehê di roja yekem de piştî nimêja cejnê, bi girseyî çûn serdana Goristana Şehîdên Penabertiyê. Welatiyan li goristanê, ji bo kesên jiyana xwe ji dest dabûn yasîn û dua xwendin, şekir belav kirin.
CEJNA ZAROKAN
Zarokên Amedê yên di nava şer, pevçûn û pêşwazîkirina cenazeyan de mezin dibin di vê cejnê de dîsa pereyên ku ji malbata xwe girtin li çekên pelîstok xerc kirin. Zarokên di nava kuçe û kolanan de digêhij hev, çekên ji bejna xwe meztir dikirin û li nava kolan guleyan diteqînin. Zarokan bi hev re lîstikên şer dilîzin û xuya dike ku şer bandorek li ser çêkiriye. Zarokên Amedê dema kamerayan dibînin çekên destê xwe radikin hewa û guleyan berdidin hewayê. Lîstokên zarokên Amedê bi tevahî li ser mijara şer tê lîstin. Ji dengê teqandina zêde ya guleyan welatiyan jî tengav dike.
QESABÊN ECEMÎ
Îsal dîmenên balkêş ên cejnê derketin holê. Qesabên ecemî dema qurban didan li şûna qurbanan serjê bikin xwe birîndar kirin. Di nav 3 rojan de 2 kes ji ber vê sedemê jiyana xwe ji dest da û li gelek bajaran jî hezar 745 kes birîndar bûn.
Di roja yekem a cejnê de bi taybetî li Stenbolê cihên taybet ji bo qurban bê dayîn hate amadekirin. Lê welatiyan dîsa nêzîkê xaniyên xwe qurbanên xwe serjekirin û ev dîmenên pir hovane derxist holê. Ev dîmên nexweş her sal ligel ewqas tedbîran dîsa ji holê ranabe.
Komek heywan hez li dijî serjêkirina heyvanan li qada Galatasarayê daxuyanî dan çapemeniyê. Kom li dîwarên qadê pankartên wekî ‘Li şûna ku qurban bidin perê bidin kesên xizan’, ‘Em golên xwînê naxwazin’ daliqandin.
Li ser navê komê Metîn Kiliç daxuyanî da û diyar kir ku ev hez heyvanan dikin û bi taybetî naxwazin ji bo cejnê qurban bê dayîn. Kiliç, destnîşan kir ew ne li dijî cejnan in tenê dixwazin bila heywan neyên qurbankirin. AMED

Ev nûçe 462 car hate xwendin.
Yên pêsî || ên pistî >>

Nûçeyên Civak û Jiyan