Ararat ARAS - ERZIROM


Girtiyê nexwşiya penceşêrê Mehmet Aras ku 18 sal in gitrtî bû û ligel nexweşiya xwe ya giran nehat berdan, piştî ku xwîn çû ser mîda wî û wî rakirin nexweşxaneyê jiyana xwe ji dest da. Parêzer, parazvanên mafên mirovan û malbata Aras ji bo ku Aras serbest bê berdan û bê dermankirin serî li gelek rayedarên dewletê da, lê encam bi dest nexist. Li gelek girtîgehan girtiyan ji bo tecrîda li ser Rêberê Gelê Kurd Abdullah Ocalan bê rakirin û zextên li girtîgehan bi dawî bibe ji 1’ê kanûnê ve dest bi greva birçîbûnê ya bêdem a dorveger kirin.
Parêzran ji bo Aras serbest bê berdan ji Serokomar re rapor şand, lê tu bersiv nehat. Wezareta Dadê bi hinceta rojbûna Aras şaş nivîsandin, 2 caran rapor li Midûriyeta Girtîgehê û Dozgeriya Komarê vegerandibû û ji nû ve rapora radyolojiyê xwestibû. Li ser vê cara 3’yemîn rapor ji Midûriyeta Girtîgehan a Wezareta Dadê re hate şandin. Rapora der barê Aras a ji bo serbest bê berdan, cara 3’yemîn hate şandin lê dîsa bê bersiv ma. Parêzeran serî li meclisê, dozgeriyê û gelek rayedarên din dan, lê kes nedît.

HETA DAWIYÊ HEWL DAN...
Herî dawî parêzaran rapor ji Serokomar re şandin, lê ew jî tu bersiv neda. Miduriyeta Karên Girtîgehan a Wezareta Dade raporên Aras ê ku rewşa wî her çû giran bû amadekir û cara duyêmîn ji Serokomar re şand. Hate zanîn ku raporên bi hinceta kêm e Serokomar vegerandibû piştî temam kirin dîsa ji Serokomar re şandibûn. Parezera Aras Şaziye Onder, diyar kir ku berê ewraqên miwekîlê wê bi îdiaya kêm bû hatibû red kirin. Piştre Nûnertiya ÎHD’a Bazîdê ji bo Aras bê berdan kampanya dan destpêkirin. Herî dawî parêzera Aras ket nav hewldanan ligel 36 parêzerên Rêberê PKK’ê Abdullah Ocalan hate girtin,Aras bê parêzer ma. Aras piştî xwîn çû ser mîda wî jiyana xwe ji dest da.
Parêzera Aras û Nûnera ÎHD’ê ya Bazîdê Şaziye Onder, beriya bê girtin, der barê jiyan û serpêhatiya Mehmet Aras de nivîsek amade kiribû û jiyana wî anîbû ziman. Piştî ku di sala 1992’yan de Îdir bû bajar û ji Qersê qetiya, operasyonên li Îdirê zêde bûn. Di sala 1994’an de Fermandar Cemal Temîzoz bi ser gundê Panîkê yê Îdirê de girt û Mehmet Aras binçav kir. Aras, piştî rastî îşkenceya giran hate girtin. Aras ku bavê 3 keç û 2 kuran bû, hevsera wî û zarokên wî çûn cem birayê wî Tayfur Aras. Di 1994’an de cerdevan û leşkeran bi ser malbata Aras de girt û hevser û 5 zarokên Aras ji aliyê leşker û cerdevanan ve hatin kuştin. 8 cerdevanên ku malbata Mehmet Aras qetil kir piştre di pevçûna bi PKK’ê re hatin kuştin. Piştî ku malbata Aras hate qetilkirin Aras bi tenê ma. Aras, piştî demekê girtî ma, serbest hate berdan. Aras di 1999’an de dîsa hate girtin.
KUJER DEWLET E
Aras piştî hate girtin ew şandin Girtîgeha Tîpa H a Erziromê. Aras ji ber mercên giran bi nexweşiya penceşêrê ket. Parêzera Aras di 4’e nîsana 2010’an de ji bo Aras serbest bê berdan serî li Serokomar da û xwest ji efûyê sûdê bigire. Aras pitî 4 meh şûnde li nexweşxaneyê ji ser xwe çû û rakirin Nexweşxaneya Herêmê ya Erziromê û li vir teşhîsa nexweşiya penceşêrê ya qirikê kirin. Li ser vê Prz. Şaziye Onder ji bo muwekîlê wê serbest bê berdan serî li Dozgeriyê, Serokomar, Saziya Tipa Edlî û gelek saziyên din ên dewletê da. Lê ligel hemû hewldanên parêzer Wezareta Dadê raporên ku hatin amadekirin erê nekir Bi mirina Mehmet Aras re heta niha malbatên 31 girtiyan serî li Serokomar dan, lê ji ber ku bersiv nehat girtin 31 girtî jiyana xwe ji dest dan.

BERPIRSYAR WEZARET E
Hevserokên Giştî yên BDP’ê Selahattîn Demîrtaş û Gulten Kişanak, ji bo Mehmet Aras peyama sersaxiyê weşandin. Di peyamê de hat diyar kirin ku ji mirina Aras Wezareta Dadê berpirsyar e. Di peyamê de wiha hat gotin: “Êdî girtîgeh bûne cihên êşan. Aras ligel raporan di girtîgehê de terkî mirinê hat kirin. Ji mirina Aras Wezareta Dadê berpirsyar e.” DÎHA

Ev nûçe 182 car hate xwendin.
Yên pêsî || ên pistî >>

Nûçeyên Nûçe