Kolana Hunerê ya Wanê, ji roja navê "Kolana Hunerê" lê hatiye kirin heta îro hêj xebatên hunerê lê nehatine kirin. Kolana Hunerê yekem car, bi xebatên hunerê re hate cem hev. 4 xwendekarên Zanîngeha Yuzuncu Yilê ya Wanê li kolanê atolyeya wêneyan ava kirin û bi hunera Pênûsa Reş wêneyan xêz dikin û didin pêşandan.
Kolana Hunerê ya Wanê, ku heta niha xizmeta hunerê û xebatên hunerê lê nehatine kirin, bi xebatên hunerî yên 4 xwendekarên Zanîngeha Yuzuncu Yilê ya Wanê bêhna hunerê jê hat. 4 xwendekarên beşa resîmê li Kolana Hunerê atolyeya resîman vekirin û bi pênûsa Reş dest bi xebatên xêzkirina resîman kirin. Xwendekaran li kolanê Atolyeya Arthouse vekirin û li aliyekî dersê didin xwendekarên ku amadekariya zanîngehê dikin, li aliyê din ji berhemên ku hilberîna wan kirine didin pêşandan. Alolyeya ku li aliyekî dersê dide û li aliyekî berhemê ku hatine hilberin bala welatiyên kolanê dikişine.
BI HERIYÊ DEST PÊ KIR
Xwendekarê zanîngehê ku li Kolana Hunerê atolye vekiriye Servet Pîşkîn, diyar kir ku ew di zarokatiya xwe de bi heriyê dilîst û fêrî hunerê bû û wiha got: "Pişt re meraqa min ket ser xêzkirina bi pênûsa reş.” Pîşkîn, diyar kir ku li aliyekî atolyeyê didin xebitandin û li aliyê din jî berhemên ku hilberandine didin pêşandan û wiha pêde çû: “: Em li vir hem perwerde dikin û hem jî berheman didin pêşandan. Yekem car xebatek wisa tê meşanin.”
Xwendekarê bi navê Fatih Balican jî diyar kir ku li Tirkiyeyê qîmeta hunermendan tune û xwest xebatên bi vî rengî bên xurtkirin û piştgirî bê dayîn. Balîcan, anî ziman ku ev atolye di nava şert û mercên gelek zahmet de vekirine û hewl didin ku hunerê peş bixin. WAN - DÎHA

Ev nûçe 627 car hate xwendin.
Yên pêsî || ên pistî >>

Nûçeyên Çand û Huner