Hişyar Barzan ŞEREFOGLU - BÊDLÎS

Par qeza Bêdlîsî Mûtkî di bi mezelanê komî mora xo da serrî û zaf hestey vejyay meydan. Na gam zî wazîyeno ke bikerê qurbanê bêvengeya civatî. Wazenê ke bêveng bikerê û bêro vîrakerdiş.
Sadrazame Osmanîyan ra Kuyucu Murad Paşa anatolî di gorey vatişan nezdî 100 hezar merdiman cira kerdo û eşto zereyê bîran. Tarîxî di tikey kesî pîlanê xo şopnenê û na demî de zî qabê otorîteya ey demî û ney demî bikerê yew, ci danê. 5 sey serr ra verayo encax zîhnîyet nêbedilyayo û Mutkî di erkanê demî zî ze Kuyucu Paşayî zaf kesîy pîya kerdê kotran. Yanê ferqê ey demî û ney demî çîno. Heta bi cesedan zî çîyanê nêweş kerdêy û nêmojnayê malbatanê înan.
Serranê 1990 û 2000 qabê ke otorîteya xo bidê şarî, zaf zilm û kiştiş û qetilîy bîy. Bi hezaran merdimî qir kerdîy û bi des hezaran zî day koçkerdiş. Bi hezaran dewîy veşnay. Cayê mezelanê kesanê ke amey qirkerdiş zafêrey nîno zanayiş. Ema lewanê şarî û goşanê şarî mîyan di ze fis fisê vila beno û raştey tarîyeyî di nêmaneno û roj yeno mezelanê komî vejyenê teber.
Bi kepçeyanê şaredaranê ey demî ya sergoyan sero an zî nezdîyê qereqolan di kesanê amey qirkediş bi komî eştê pêser û ax eştî ser. Serra par qeza Mûtkîyî mohra xo da mezelanê komî. Tikey amey akediş û hewna zaf estêy ke pawenê abikerê û zafîy zî estêy ke, hewna cayanê înan nînê zanayiş.
Tikey mezelî estêy ke mîyanê şaredarey û qerekolî di bi nuştişanê ke amey eşrawitişî belîyê û cayê înan şaredarey akerdo û cesedan kerdê mîyan. No zî ano vîr ke, hiqûq nê, serdestey kar keno. No zî çimanê medimahey vero qala ‘dewlet sûc nêkeno’ pûç vejeno. Eyseno ke bi zaneyî heme çîy yenê kerdiş.

ÎSLAMÎYET ÇICA YO?
Ti qanûnî di û ti ol çîno ke mêrde û cenîyan pîya defin bikerê. Îslamîyetî di çîyê wina qet nîno qebûlkerdiş. Ema T.C. vano ez îslam a heme çîy kerdo. Goreya qanûn û îslamî kesanê nêşinasyenê morgandi gere bidê pawitiş hetanê ke warê înan vejyenê. Eger wina meyro kediş sûc o.
Nêy zî bes nîye cesedanê ke vejyay dano eysayiş ke dest û linganê înan bi girêdaye ameyê kiştiş. Baroya Bedlîsî û rayîrberan no bi çimanê xo vîna. Otopsîyan di no hawa ameyo raporkerdiş. Serranê 90 di qabê ke hereketa muhalîf yê kurdan binpay bikerê ra rayîreke wina hetê rayîrberanê tirkan ra ameyo ceribnayiş. Di ney rayîrî di, Kontirgerîla û Hîzbullah eştî orte û qilif kiştişanê ke amey hesyaye ra vînay. Her çiqas vajîyo ke dewleta xorî esto, bê alîkarey û bê fikrê serekwezîr, serekomar û serekeporoyinê TSKî no kar nêbîyo û ze polîtîkayeke ameyo weçînayiş.

KEPÇE DELÎLAN VINÎ KERD
Asîstan Dr. Osman Ozturk û baroya Bîdlîsî daneyanê ke dayê di vatîy: “Mezelanê ke bi kepçeyî yenê akerdiş delîlanê ke estêy, dano vinîkerdiş. Raşteyan holîra wedarneno. Karê patologan zehmet keno. Îhlala peymana Mînnesotoyî kenêy. Bi ney hawayî zî delîlanê ke vejyenê roşnî nêdanê bîyayiş ke senî bîyo. Lazimo ke Bosna-Hersekî di senî mezelî amey akerdiş se, wa tîya zî wina bêrê akerdiş. Lazimo ke gora peymananê navneteweyî bêrê ca. Her mezelî di delîlî bêrê arêkerdiş û nasnameyê bêro dayiş. Lazimo ke kesanê gedeyanê xo vinî kerdê zî bi çimanê xo xebatan bi hawayê zelal bivînê û gumanî ra ca nêverdê. Akerdişê mezelan goreya peymana Mînnesotayî wa bêrêy akerdiş. Peynî di kesanê ke qetil kerdêy gere bi hawayê zelal bêrê dariznayiş.”
Çîyanê ke na gam destanê ÎHDî de estêy 114 cayan di mezelanê komî estêy û qabê ke 1500 kesanê ke binê axî de bivejê teber û aqibeta înan roşnî bikerê ra rayîrberanê adlî û îdarî xebatan bikerê. Hetê bînî de zî ardî ziwan ke lazimo ke kesanê ke şahid raştî zextan û mudahleyan meyrê û bêrê pawiyayiş. ANF

Ev nûçe 922 car hate xwendin.
Yên pêsî || ên pistî >>

Nûçeyên Kirmanckî