Xwendekarên tevli Atolyeya Wêneyan a di bin banê Mala Piştgiriya Perwerdeyê ya Şaredariya Baglarê ya Amedê bûn, pêşangeha wêneyên kişandin, bi navê ‘Kolan û Ban’ vekirin. Pêşangeh li Navenda Çandê ya Cegerxwîn hate vekirin. Serokê Daîreya Çandê ya Şaredariya Bajarê Mezin a Amedê Muharrem Cebe, Midura Çandê ya Şaredariya Baglarê Yuksel Aslan Acer, Mamosteyên Mala Piştgirya Perwerdeyê ya Şaredariya Baglarê û gelek xwendekar tevli pêşangehê bûn. Kurdelaya pêşangehê ji aliyê Midura Çandê ya Şaredariya Baglarê Yuksel Aslan Acer û xwendekaran ve hate birîn. Acer berî vekirina pêşangehê axaftinek kir. Acer, diyar kir ku ew ji ber performansa zarokan gelek keyfxweş in û wiha got: “Bernameyên em bi zarokan re tevli dibin coşeke mezin dide me. Xebata zarokan enerjiyeke gelek mezin dide me. Ez li ser navê şaredara xwe ji we spas dikim. Ji bo xebatên we ez serkeftinê dixwazim.”

‘HILBERÎNEKE BAŞ DIKIN’
Ji mamosteyên Mala Piştgiriya Perwerdehiya Şaredariya Baglarê Kîbar Suvarî Bozkuş jî diyar kir ku ew 4 salin xebatan dikin. Bozkuş nêrînên xwe bi van gotinan domand: “Li gorî hunera zarokan 2 mehan perwerdeyê didin û pişt re jî li kolanan derdikevin wênekêşanê. Piranî zarok gelek bi heycan dibin. Hilberînekî baş dikin. Komên xebatên dikin piranî zarokên dibistanê yên pola 5’an in û temenê wan 12 salîne.” Ji xwendekaran Zîlan Gul jî diyar kir ku armanca wan ew e ku bi wan wêneyan malbatan hişyar bikin da ku zarokên xwe li nav kolanan nedin xebitandin.
Pêşangeha bi navê ‘Kolan û Ban’ dê heya 7’ê kanunê li Navenda Çandê ya Cegerxwîn vekirî be. AMED - DÎHA

Ev nûçe 524 car hate xwendin.
Yên pêsî || ên pistî >>

Nûçeyên Çand û Huner