Piştî erdheja Wanê li geleke aliyên Tirkiyeyê bi TIR'an alîkarî hate şandin û li depoyên saziyên fermî hatin rewastandin. Alîkariyên ji gel re hatin nayên belavkirin. Du roj berê depoya li Kampa Rêyên Bejayî ya Wanê ku barê 8 TIR'an alav û amûrên alîkariyê hebû şewitî. Welatiyên Wanê diyar kirin ku ew bawer nakin depo bi xwezayî şewitî be û xwestin ku mijar bê lêkolînkirin.
Piştî li Wanê erdhejên hêza wê bi 7.2 û 5.6 pêlan qewimîn li gelek bajar û navçeyan bi sedan TIR alîkariya erzaq, kon, cil û alavên malan hatin şandin. Ev bar ji aliyê Walîyê Wanê ve hatin destserkirin û li depoyan hatin rawestandin. Melzemeyên hatin depokirin li welatiyan nayên belavkirin. Li bajar hemû depoyên saziyên cemawerî tije melzeme ne. Ji ber li bajar kargehên welatiyan girtîne, welat ji bo erzaq peyda bikin pirsgirêkan dijîn. Herî dawî 8 TIR'ên melzemeyên hatin ên li depoya 11'emîn Midûriyeta Herêmê ya Rêyên Bejayî ya girêdayî Walîtiya Wanê hatin rawestandin şewitîn û êdî nayên bikaranîn. Li gel Waliyê Wanê têkildarî mijarê de lêpirsîn da destpêkirin, gelê Wanê bawer nake ku depo ji ber pirsgirêkên teknîk hatine şewitîn. Welatiyan, destnîşan kir ku depo bi zanebûn hatiye şewitandin û divê berpirsiyar bên derxistin. Welatiyan, pirsa çima ev alav û amûr li gel nayê belavkirin pirsîn û xwestin bersîv bê dayîn.
‘EM BAWERNAKIN '
Welatiyê bi navê Seyîthan Îbîş, diyar kir ku, 2 roj berê 8 TIR melzemeyên jiyanê şewitîn. Îbîş, anî ziman ku alîkariyên ji bajarên din ji bo mexdurên erdhejê hatin nayên belavkirin û wiha got: “Alîkariyên ji bo Wanê hatin têra gel a bi salan hebû. Gel di bereqeyan de dijîn. Gelê Wanê perîşan bûye, lê Walîtî alîkariyê li welatiyan belav nake. Pişt re jî dibêje melzeme şewitîn. Em bawer nakin ji xweber şewat derketibe. Divê Walî daxuyaniyek me înka bike bide." Welatiyê bi navê Selîm Oktay jî diyar kir ku gumana dike ku melzeme bi zanebûn hatibe şewitandin. Oktay, da zanîn ku welatî alîkariyê dixwaze û dibêje "em ji ber sermayê di cemidin" lê hikûmet û walî guhên xwe li daxwazên gel digire. Konên kizilayê ji ber sobeyan ceyranê her roj dişewitin. Gelo li Wanê tenê di depoyên erzaq de şewat der dikeve? Em bawernakin ku şewat bi xwe derkeve."

DIBÊJIN TUNEYE LÊ…
Welatiyê bi navê Tayfur Guntaş jî diyar kir ku betanî tune bavê ser sarokê xwe û divê têkildarî 8 TIR beteniyên hatin şewitandin lêkolîn bê kirin. Guntaş, pirsa “Gelo li cîhê bûyerê qemere hebûn an na? kir û xwest lêkolînek serbixwe bê kirin. Guntaş da zanîn ku gelek alîkari tê kirin û ev alîkarî ji aliyê Walîtiyê ve tê desteserkirin û nizanin bi kuve diçe. Guntaş, bibîrxist ku wan alîkariya bataniyan ji Wali xwestiye, lê walî gotiye tune û batanî nedane wan.
Walîtiyê Wanê Munîr Karaloglu jî têkildarî mijarê daxuyanî da û diyar kir ku lêkolîn dikin û nizanin ku ji ber çi şewat derketiye. WAN - DÎHA

Ev nûçe 514 car hate xwendin.
Yên pêsî || ên pistî >>

Nûçeyên Civak û Jiyan