Guler CAN - WAN


Piştî erdheja Wanê zarokên wanî di konên erdhejê ji ber şewat û ji ber sermayê bi nexweşiya zatureyê jiyana xwe ji dest didin. Dayika ducanî ku rastî erdhejê hate di konê erdhejê de zarok jêre bû. Jina bi navê Kader Asîm a 29 salî û dayika 3 zarokan, diyar kir ku ji ber qelşên di dema erdhejê de di mala wan de çêbûn nikarin biçin mala xwe bi hevserê xwe yê bêtal li taxa Şabaniyeyê di konê bi derfetên xwe çêkirin de dimîn e. Asîm, anî ziman ku ji ber erdhejê ducaniya wê hêj bêtir giran bû û ji ber sermayê di kon de her tim di nav cihan de ma. Asîm, da zanîn ku ji ber şertên giran ên di nav de dijîn hewcehiyên wê xwişka hevserê wê pêktîne. Asîm, bilêv kir ku zaroka wê di 13'ê mijdarê de jêre bû. Asîm, destnîşan kir ku ji ber hevserê wê betal û derfetên wan ên nexweşxaneyê tune, li tax bi alîkariya jinan û di kon de di nav tozê û erdhejên paşîng de zarok jê re bû.

‘XWEDÊYO EZ Ê ÇIBIKIM’
Asîm, derbirî kir ku piştî zayînekî bi zehmet navê zaroka xwe kir Zelîha û dema ku zaroka xwe hembêz kir got “Xwedêyo ez dê çi bikim” û hîsên xwe anîn ziman. Asîm, anî ziman ku ew dê çawa zaroka xwe di kon de mezin bike wê diltirs dike. Asîm, destnîşan kir ku piştî zayînê bi nexweşiya şewbê ket û xizmên wan alîkariya wan dikin.

ŞÎRÎNAHIYÊ DIXWAZIM...
Asîm, da zanîn ku piştî erdhejê yekemîn car e serê xwe dişo. Asîm, bilêv kir ku piştî hevserê wê yê di înşatan de dixebitî karê xwe winda kir tu hewcehiyên zaroka xwe nikarin bînin cih. Asîm, da zanîn ku ji ber we xwe baş xwedî nake nikare baş zaroka xwe jî xwedî bike. Asîm, diyar kir ku ji ber bezên zarokan tuneye ew zaroka xwe bi pateyan girê dide. Asîm, ji ber şertên giran psîkolojiya wê xirabû û tenê daxwaza bezên zarokan dike. DÎHA

Ev nûçe 553 car hate xwendin.
Yên pêsî || ên pistî >>

Nûçeyên Civak û Jiyan