Cenazeyê endamê HPG’ê Agît Acerê ku li navçeya Lîceyê ya Amedê jiyana xwe ji dest da li Piranê hate definkirin Her wiha cenazeyê Perîhan Ergunê HPG’î yê ku bi 36 hevalên xwe re li Geliyê Tiyarê tê îdîakirin bi çekên kîmyewî jiyana xwe jidest da li Wanê ji aliyê bi sedan kesî ve li ber dirûşmeyan hat veşartin.
Piştî cenazeyên 3 endamên HPG’ê yên li çoltarên Lîceya Amedê jiyana xwe ji dest dan nehatin nasin, piştî testa DNA’yê malbata Endamê HPG’ê Agît Acer (Agît Pîro) cenaze ji Saziya Tiba Edlî hate girtin û ber bi navçeya Pîranê ya Amedê ve bi rê ket û anîn navçeyê. Bi hezaran kesên li ber Mizgefta Navendî kombûn cenazeyê Acer bi slogan û çepikan hate pêşwazîkirin. Şaredarê Pîranê Mustafa Uyguner, Şaredarê Erxaniyê Fesîh Yalçin, rêveberên BDP’ê yên Pîran, Erxanî, Çermûg û Hênê û bi hezaran kes tevli merasîmê bû. Piştî vecîbeyên olî hatin bicih darbesta Acer ji aliyê girseyê ve hate girtin û ber bi goristanê ve meşiyan. Cenazeyê Acer li goristinê bi xwendina telkîn a zaravayê dimilkî yê kurdî hate definkirin.
Piştî merasîma defînê bavê Acer Alî Acer jî diyar kir ku dema kurê wî hate dinê wî navê “Fermandarê Fermandaran Agît” lê kir û wiha got: “Ew jî layîkî vî navî bû. Divê mirov layîkî kurê xwe bibe û wê rûmetê hilgere. Minafikê Fethullah piştî deryayan fermanan dide. Li malên kurdan lorîk bi dawî nabin. Lê ewladên gelê kurd dê hesabê ji vê zihniyetê bipirsin.” Axaftina Acer bi sloganên “Şehîd namirin” bi dawî bû.
Piştî karên defînê girseyê careke din bi sloganan heya ber mizgeftê meş li dar xistin. Dema girse li ber avahiya Midûriyeta Polîsan re debas bû ji ber tedbîrên ewlehiyê yên berfireh bertek nîşandan û kevir avêtin. Piştî rêveberên BDP’ê ketin navberê rageşî bi dawî bû. Piştî girse hate mala şînê hînbûn ku dema cenazeyê Acer ji mizgeftê hate girtin Mamê Acer Siddik Acer (54) ji ber xemgîniyê qrîza dil derbas kir û jiyana xwe ji dest da. Piştî vê agahiyê girseyê slogana “Şehîd namirin” berz kir. Piştî vecîbeyên olî cenazeyê Acer jî li goristana navçeyê definkirin.

‘EV WÊNEYÊN ZILMÊ NE’
Îşkenceyên ku ji salên 1990'an heta 2000'an bi awayekî sîstematîk li ser cenazeyan dihat meşandin, di demên dawî de dîsa tê dûbarekirin. Destpêkê li Geliyê Tiyarê ya naveya Çelê ya Colemêrgê 36 HPG’î ku tê îdîakirin bi çekên kîmyewî hatine qetilkirin û canê wan parçe parçe bûne. Ev wêneyê wehşetê bûn. Hema piştî vê bûyerê 3 cenazêeyên HPG’iyên di operasyona bejahiya Çewlikê de jiyana xwe ji dest dan jî parçebûyî hatin dîtin. Malbata Agît Acerê ku li bejahiya navçeya Licê ya Amedê jiyana xwe jidest dayî jî diyar kir ku canê Acer parçe parçe bibû. Beda wî şewitî bû. Malbatê diyar kir ku ev wehşet wekî lekeyeke reş ket dîrokê û gotin; ev wêneyê zilmê ye.

ERGUNÊ HPG’Î JÎ VEŞARTIN
Cenazeyê Perîhan Ergun (Ruken Serhat) a li Geliyê Tiyarêya navça Çelêya Colemêrgê bi 35 hevalên xwe re tê îdîakirin bi çekên kîmyewî jiyana xwe jidest daye li gundê Doganciya navçeya Erdîşa Wanê hat veşartin. Malbata Ergun ku ji ber berê nedihat nasîn cenazeyê keça xwe Perîhan Ergunê bi cenazeyê Suna Ozdemîrê re tevlîhev kiribûn û Ozdemîr veşartibûn. Piştî cenaze wergirtin dayîka Ergunê Hatîce cenazeyê keça xwe şuşt û wecibên olî hatin pêkanîn.
Jinan jî di ketina gund de darbesta Ergunê danîn ser milên xwe û dest bi meşê kirin. Piştî nimêjê Ergun li ber dirûşme û zimêran hat veşartin. AMED - DÎHA

Ev nûçe 692 car hate xwendin.
Yên pêsî || ên pistî >>

Nûçeyên Nûçe