Bîlal MUTLU - BEHDÎNAN


Di rojên derbasbûyî de ANF’ê nûçeya bi sernûçeya “S.O. li ku ye? Tecawizkarê wê kî ye?” weşand. Li gorî agahiyên ku hatine bidestxistin dewlet û malbatê dest dane hev û hewl didin ku bûyerê veşêrin
S.O. di 9 saliya xwe de li rastî tecawizê hat. Di 10 saliya xwe de bû dayik. Malbata wê ew da şivanekî. Piştî mehekê şivan dîsa S.O. ji malbata wê re şand. Pitika (bebek) wê mir, malbatê ew bi veşarî defin kir. Ligel van hemû bûyeran dewletê bi hemû saziyên xwe ve hewl da vê yekê veşêre. Ne S.O. tenê, bi hezaran zarok li rastî bûyerên destdirêjiyê tên, lê li hemberî tawanbaran jî peywirên ‘Bavtî, birayetî, xaltî û mamtî” berdewam dikin!
Di rojên derbasbûyî de ANF’ê nûçeya bi ser nivîsa “S.O. li ku ye? Tecawizkarê wê kî ye?” weşand. Li gorî agahiyên ku hatine bidestxistin dewlet û malbatê dest dane hevdu û hewl didin ku bûyerê veşêrin. Dema S.O. di adara sala borî de bû dayîk, tenê 10 salî bû. Ji ber êşa zik ew rakirin Nexweşxaneya Dewletê ya Xîzanê. Di encama kontorlê de hate zanîn ku S.O. 9 meh in ducanî ye. Bijîşk rewşê ji malbat û dozgeriyê re got. Li şûna ku dozgerî lêpirsîn bide destpêkirin, destûr da ku malbat S.O. bibin gund.

DADGEH XWEDÎ DERNEKET
Li gorî xala 5395’an a Qanûna Parastina Zarokan, diviyabû dozgeriyê bo parastina zarokê tedbîr bigirta. Lê dewletê peywira xwe bi cih ne anî, lê tundiya li hemberî zarokê bi dawî nebû. Malbatê vê carê S.O. da şivanekî, piştî ku şivan zanî S.O ducanî ye, vê carê jî S.O. ji malbata wê re şand. S.O. dema xwe ya din a ducaniyê li gundê Nûrs ê navçeya Xîzan a Bedlîsê derbas kir. Her çendî dihate zanîn ku ducanî ye, lê ew her tim hate revandin.
S.O. di 21’ê adara 2010 de zarokek bi giraniya 3.5 kîlo anî dinê. Lê ev zarok piştî demekê mir. Malbatê zarokê bi awayekî veşarî li derveyê gund veşartin. Lê gundiya agahî da cendirmeyan. Cendirmeyan serî li dozgeriyê da û gora wê hate vekirin. Cendirmeyan xwest bo otopsiyê S.O. û pitika wê bibin nexweşxneya sewletê. Lê malbatê zarokê nebir nexweşxaneyê, cenazeyê zaroka di bin axê de xistin kartonekî de û şandin Nexweşxaneya Dewletê ya Xîzanê. Bi hinceta di nexweşxaneyê de bijîşkên pispor tune ne, biryara veguhestina otopsiyê hate dayîn. Ji bo veguhestin her tişt hate amadekirin, lê malbatê cenazeyê pitikê revand û bire cihekî din veşart. Dozgeriya Xîzanê êdî der barê bûyerê de ket nava liv û tevgerê. Lê li şûna parastina zarokan û cezakirina bersûcan, bi hinceta “malbatê mexdûr kirine” û “peywira xwe bi xirabî kar anîne” doz li du bijîşk û hekîmekî ên di Nexweşxaneya Xîzanê de vekir.

BÛYERA SOSRET
Di nava tomarên Rêveberiya Perwerdehiya Neteweyî ya Xîzanê de tu agahiyên der barê S.O. de tune ne. Di dema dadgehê de hate zanîn ku S.O. ducanî ye û agahiyên bijîşkan ên kontrolê jî winda ne. Li gorî qeyîdên fermî, S.O. zarok neaniye dinê. Lê tê dîtin ku Semra O.’ya di 17 mehan de du caran zarok aniye dinê. Di nava tomarên bijîşkan de tenê Semra O. ya xizma S.O. li şûna S.O’yê hey.

DOZGER LI KU YE?
Gundî dixwazin ser bûyerê zû bigirin. Dibêjin ku ev yek dê bibe sedema diyarkeriya têkiliyên hin malbatan jî. Li gorî wê jî, rojnamevanê di rojên borî de, di qezaya trafîkê de jiyana xwe ji dest da, mirovê S.O. bû û di heman demê de jî nîşaniyê Dozger Nûrdan Cengîz a li Dozgeriya Komarê ya Xîzanê xebatkar bû.
Gundî diyar dikin ligel vê jî heta niha tu lêpirsîn an jî pêvajoyên darazê nehatine destpêkirin. Li Tirkiyeyê jimara êrîşên zayendî yên li ser zarokan balê dikişînin. Di nava 20 salên dawiyê de jimara zarokên ku di nava malbat û xizmên xwe de li rastî îstîsmara cinsî di navbera 350 û 400 hezarî de diçe û tê. Ji van tenê 600 çûne ber destê darazê. Di sala borî de nêzî 7 hezarî rastî tecawizê hatin, lê heta niha nayê zanîn doz li kîjan van hatiye vekirin an nehatiye vekirin.ANF

Ev nûçe 1044 car hate xwendin.
Yên pêsî || ên pistî >>

Nûçeyên Forum