Polîtîka AKPî her ke şino sûr beno. Ma vîra mekê ke, asinê ke kureyî di sûr bibo hedatê ze Kawa bi çakûtê xo keno û ey gora waştişê şarî teşe bikero. AKP wano qay bi sûrbîyayişê xo kurdan bitersîno, ema nafîleyo. Hedatkaranê kurdan zêd êy, dê sûrbîyişê ey goreya şarî teşe bikerê.
Semedê ke bi destê AKPî medyaya Azad ra, gurekaranê DÎHA, ETHA û Ozgur Gundemî ra 38 kesîy amey binçimkerdiş Taksîm di bi hezaran kesîy meşyay û AKPî şermezar kerdîy. Bi hezaran kesîy rojnameyanê Azadiya Welat û Ozgur Gundem akerdî û wegirotîy. Sloganana ‘Medyaya Azad bêveng nêmanano û nêşenê bêveng bikerê. AKP destanê xo medya Azad sero wedari’ qîray.
Rojnamegerîy, sazîy û dezgeyanê sosyalîst û kurd semedê bertekanê xo bimojnê protestokerdişê rayîra meşyayişî darfînay.
Mîyanê înan di Ferhat Tunç, serekê BDP ya bajêrî Asîye Kolçak, fekverkê Platforma Paştîdayişî Rojnamegeranê Girote Necatî Abay, serekê pêroyinê ESPî Fîgen Yuksekdag, rayîrberanê rojnameya Atilimî ra Îbrahîm Çîçek, rojnameger Ertugrul Mavîgolu û Banu Guven û zaf humarey di rojnamegerîy, noştoxîy, roşnvîrî, temsîlkaranê tikey partîyan Taksîmî di kom bîy.
Şarê ke meşyayiş darfîna destanê xo ra rojnameya Azadîya Welat û Ozgur Gundemî nêday erdî hinî serey xo sero tepiştîy. Girseyî ‘Ma biveşê zî ma dê detê xo bidê’, ‘Dê şima nêşikyê bêveng bikerê’, ‘Ma heme kurd êy û ma heme KCKijê.’ ‘AKP destê xo çapemenîya azad ra wedare’ ‘TMY bidaryo we’, ‘Çapemenîyo azad nîno vindarnayiş’ û ‘ Dewlet destê xo serê çapemenî ra wedare.’ sloganî eştîy. Şaro ke dormeyê çalakî de bîy bi çepîkan alîkarey day.
Edîtorê rojnameya Ozgur Gundemî Bayram Balci donemê Tansû Çîller û Suleyman Demîrelî ard vîr û vat: “Serranê 90’î de çapemenîyê kurdî û muhalîfî amey bombekerdiş û rojnamevanî kuçande ameyne kiştiş. Êrîş rojnameya Ozgur Gundemî ra ame kerdiş. Kes nêşkeno çapemenîya azad vindarno. Ma wazenê AKP ra û ey ke enî planî viraştê înan ra vajê: “Ma yew hey rojnamevanî zî bimanin reyna zî çapemenîya azad dê xebat bikero. Ozgur Gundem reyna zî rastîyan binusno. Rastî tarî de nêmanenê. Zemanê ke şima Apê Mûsa, Hûseyîn Denîz û Ferhat Tepe qetil kerd encax şima nêşkay çapemenîya azad vindarnê enkara tepya zî, ma nêvindenê.”
Balcî ra dim, sekreterey Sendîkaya Rojnamegeranê Tirkîye Alper Turgut daxûyanî wend û vat: “Ma serê sibay reyna bi basqinan weriştî we. Reyna rojnamegerî amey binçimkerdiş, banê eyna amey talankerdiş û ma qarşî operasyonanê sîyasî mendî. Pê ey operasyonan wazenê ke çapemenîya muhalîf zî vindarnê. Ey ke tebera mendê eyna ra zî vanê şima nêvinderê sira yena şima zî. Ma îtaatê kesî nêkenê, nêremenê û nêtersenê.”
Turgutî dewam kerd: “Rojnamegerê zindande yê û heqê ma yo ke nuçeyan bigirê û raşteyî bîyarê ziwan. Eger şima nêverdê no gasp o. Ewro ma hem semedê embazanê xo û hem zî semedê kê nuçeyan bigirê etya ma kom bîyê. Bi ey operasyonan şar zî heme çî zano û vîneno. Semedê ey ma vanê ma çirey nêvindenê û şima nêşkenê fîkrê ma bikerê zindan. Hetanî çapemenî azad bibo û zindanî bibê vengî ma etyay.”
Turgut xeberdanê Serekvezîrî kî vatbi: “Pirtûk bomba ra daha tesîr o.” Ard vîr û eyna dewam kerd: “Rojnamegerê ke zindandey çek nêgiroto destê xo, canê joy nêgirot, rojnamey bombe nêkerdî, rojnamevanî kuçande nêkiştî.Qarşî eyna vindertî û ey zextanê ke serê înan de benê nuştê, encax çiyo ke rojnamevanan nuşto, bombeyî ra daha talûke yo.”
Pey ra grûba “Karadenîz Îsyande yo” semedê muhabîr DÎHA Evrîm Kepeneke pankart kerd a û pankartte ameyne nuştuş ke “Evrîm Kepenek biratîyey şarî ya.” STENBOL - DÎHA

Ev nûçe 256 car hate xwendin.
Yên pêsî || ên pistî >>

Nûçeyên Kirmanckî