Projeya "Dîwan-a Dubeytî" ya ku ji beytên Baba Tahîrî Uryan ji aliyê hunermendên Navenda Çanda Mezopotamyayê (NÇM) ve bi xebateke kolektîf a 7 mehan hat amadekirin pişrî gera xwe ya li bakurê Kurdiatanê vêca jî berê xwe dide Stenbolê.
Muzîkjen, şanoger û ritimvanên NÇM encama xebata xwe ya 7 mehan projeya ji Dîwan-a Dubeytî” ya ji çarikên Baba Tahirê Uryan pêk tê, yekem car dê li Stenbolê dixînin pêşberî bîner û temaşevanan.
XEBATEKE KOLEKTÎF
Xebata ku ji muzîk, helbest û govendê pêk tê, li bakurê Kurdistanê di serî de li Amed, Mêrdîn û Qoserê li gelek bajar û navçeyan hat pêşandan. Dîwan-a Dubeytî ji aliyê gel ve jî gelek hat ecibandin.
Projeyên wisa ku bi xebatên kolektîf tên afirandin her çiqas kêm bin jî dema ku wekî performans derdivein ser dikê mirov tahm û çêjeke bê hempa ji wan digire. Projeya NÇM’ê jî mirov dikare yek ji van projeyên tahm xweş binirxîne. Piştî pêşandana vê xebata hêja ya li Kurdistanê ev cara pêşîn e îcar li Stenbolê dê ji hunerhezan re were pêşkêşkirin.
Konsera pêşîn a li Stenbolê roja 22'yê cotmehê roja şemiyê saet di 20.00'an de li 'Su Gosterî Sanatlari Salonu-Hola Hunerên dîtbarî yên Av ' dê were pêşandan. Ev xebata mînak û kolektîf a hunermendên NÇM’ê ji nava hemû berhemên Baba Tahirê Uryan piştî hilbijartineke hûr û dûr yek bi yek hatin bijartin. xebat ji 13 helbestên Baba Tahirê Uryan pêk tê. Ahmet Tîgrîl serastkirin û çêkirina newayan girtiye ser mil, di vokalê de Nûrcan Degîrmencî, her wisa Meral Tekçî û Zelal Gokçe bar girtine ser milên xwe. her wisa ji beşa govendê yua NÇM'ê Serhat Erkural û Serhat Ertuna jî alîkariyê dikin. Yeşîm Coşkûn jî hêla wê ya kareografîk a govendê daye ser milê xwe. Di beşa enstrumanê dejî Bêrîvan Ayaz, Sabir Erdînç, Ahmet Tirgil, Murat Çolak, Olcay Bozkurt û Hogir Goregen cî digirin. STENBOL - ANF

Ev nûçe 1190 car hate xwendin.
Yên pêsî || ên pistî >>

Nûçeyên Çand û Huner