Li Tirkiyeyê êdî mirov kuştin bûye hûner. Li vî welatî mirovan dikujin, komkujiyan pêk tînin piştre radibin û dibêjin ‘biborînin’. Gelo em ê çi biborînin? Mirov kuştin ev qas hêsan be em ê ji bo çi biborînin. Leşkerên li çoltarê gundê Derceme ya bajaroka Stîlîlê ya Nisêbînê derketin operasyonê 2 gundî gulebaran kirin.
Di gulebaranê de Yusuf Akin (38) ê bavê 5 zarokan jiyana xwe ji dest da û kesekî jî bi giranî birîndar bû. Waliyê Mêrdînê Turhan Ayvaz jî wekî Serokwezîr Recep Tayyîp Erdogan ku ji bo komkujiya Dêrsimê lêborîn xwest, walî jî diyar kir ku leşkerên wan sivîlan bi şaşî gulebaran kirine.
Li gundê Derceme yê bajaroka Stîlîlê ya navçeya Nisêbînê ya Mêrdînê 2 gundiyên karên tesîsata avê dikirin rastî gulebarana leşkaran hatin. Di encama gulebaranê de Yusuf Akin ê 38 salî yê bavê 5 zarokan ê ku bi giranî birîndar bû li Nexweşxaneya Dewletê ya Mêrdînê jiyana xwe ji dest da. Mehmet Eren (48) ê birîndar bû jî li Nexweşxaneya Dewletê ya Mêrdînê tê dermankirin. Waliyê Mêrdînê Turhan Ayvaz têkildarî mijarê de daxuyanî da û diyar kir ku bûyer ji aliyê leşkerên derketin operasyonê ve pêk hat.

‘NIZANIBÛN SIVÎL IN’
Walî Ayvaz, di daxuyaniya xwe de diyar kir ku demekî kin pevçûn derket û wiha got: “Di vê demê de kesên piştre hatin zanîn xebatkarên tesîsata avê dikin û di destê wan de boruyên sêgoşe hene wekî çekên hatin hesibandin. Ji ber vê yekê leşkeran gule berdan û Yusuf Akin ji serê xwe bi giranî birîndar bû û Mehmet Eren jî ber guleyan birîndar bû.” Walî Ayvaz, anî ziman ku leşkeran bi zanebûn gule bernedan û têkildarî bûyerê de lêpirsîn hate destpêkirin. Hevserokê BDP’a Mêrdînê Şaban Karakaş têkildarî bûyerê der axivî. Karakaş, diyar kir ku bûyer li ser îxbara leşkeran girt pêk hat. Karakaş, anî ziman ku Yusuf Akin ji gundê Gulluyê bû û Mehmet Eren jî ji gundê Heybeliyê bû û wihga got: “Piştî pirsgirêka ceryanê ya malê çareser kirin ji malê veqetiyan. Piştî wesayît bi rê ket wesayît ji aliyê leşkerên kemîn danîn ve hate gulebarankirin. Cenazeyê Yusuf Akin ê birin Saziya Tipa Adlî ya Amedê.”
Birayê Yusuf Akin Mahmut Akin diyar kir ku birayê wî di encama gulebarana leşkeran de jiyana xwe jiyana xwe ji dest daye. Akin got; “Piştî ku gule li birayê min reşandin, min xwest ez alîkariya birayê xwe bikim, lê leşkeran nehiştin ez biçim gel wî. Zavayê Akin Halîl Akin jî li hemberî bûyerê nerazîbûn nîşan da û pirsên; gelo dê kî hesabê vê qetlîamê bide? Ev hovitî dê heta kengî bidome? Ma êdî dema bidawîkirina zordariyê nehatiye? Gelo qey rêveberî di xew de ye?” kirin.
Endamê Lijneya Rêveberiya Komeleya Mafên Mirovan Parêzer Serdar Çelebî ku ji bo karûbarên otopsiyê hat nexweşxaneyê û diyar kir ku gule ji mesafeyeke nêz de li Akin ketiye û got; “Mixabin ev yek ne bi gotinên wekî; qeza ye û ne jî bi gotinên wekî; di encama îxmalekê de pêk hatiye de dê bên vegotin. Êdî divê ev yek aşkera bibe. Dixwazin ser bûyerên bi vî rengî bigirin.”
Komeleya Mafên Mirovan a Mêrdînê jî rapora der heqê bûyerê de amade kiriye aşkera kir. Heyeta ku ji Serokê Şaxê Parêzer Erdal Kuzu, rêveberên şaxê parêzer Huseyîn Cangîr, parêzer Faruk Yîgît û Parêzer Kamuran Tanhan pêk dihat li cihê bûyerê lêkolîn kirin û bi şahidan re hevdîtin pêk anîn. Rapora ku di encama lêkolînê de hate amadekirin hat aşkerakirin. Di raporê de hat destnîşankirin ku înfazeke bê daraz pêk hatiye. MÊRDÎN - DÎHA

Ev nûçe 358 car hate xwendin.
Yên pêsî || ên pistî >>

Nûçeyên Nûçe