Amed bi hatina meha cotmehê re ji berhemên çandî û hunerî re dê bibêje merheba. Amediyan tevahî dema havînê bi konser û mîhrîcanên ku li derve pêk tên derbas kir. Bi hatina payîzê û di dest pêka cotmehê de amedî dê bi xebatên salonan xwe bigihînin hev û xwe ji hunerê têr bikin.
Akademiya Cegerxwînê ku bi xebatên çandî, hunerî û wêjeyi alternatîf diafrîne di sala xwe ya dûyemîn de dest pêka Cotmehê de atolyeyên nû vedike û ji pêşengehan re jî malovaniyê dike. Navend, bi pêşengeha wênesaz û nûçegîhanê DÎHA'yê Ferhat Arslan heta 8'ê Cotmehê li benda hezkirîyên hunerê ye. Weqfa Çandî û Hunerî ya Amedê (DKSV) jî bi 30 xwendevanên nû dê bikeve xebateke ku 2 meh berdawam bike. Weqfa Çandî, her hefte dê derhênerekî ku tê nasîn bîne Amedê û derhêner jî dê cerebayên xwe bi xwendevanên sînemayê re parve bike. Di destpêka meha Cotmehê de derhêner Semîh Kaplanoglu dê were Weqfê.
‘Şanoya Bajarê Mezin a Amedê’ ku bi 18 hunermendan ji 1993’yan heta niha xebatên xwe dimeşîne jî dê 7’ê Cotmehê bi lîstika ‘Qeyd’ dê galaya xwe pêk bîne. Şanoya Dewletê ya Amedê jî du lîstikên Orhan Asena digihîne hev û lîstika ‘Kurê Qertela Spî Gilgamêş’ ji temaşevanên şanoyê re amade dike. Gilgamêş'’ê ku di mîtolojîya Sumeran de cih digre bi derhêneriya Tamer Levent di 6’ê Cotmehê li Dik’a Şanoya Dewletê ya Amedê bi hezkirîyên şanoyê re dê xwe bigihîne hev. Bi vî awayî ‘Hunera payîzê’ û ‘Sînema’ jî li Amedê bi du fîlmên nû li benda temaşevana ye. Çîroka ‘Sîmba’ ya ku di fîlma ‘Şêrê Şah’(Aslan Kral) derbas dibe û dixwaze bibe şêrekî mezin û kral bi alternatîfa 3D li benda hezkiryên anîmasyonê ye. Her wiha temaşevanên ku ji fîlmên tirsê jî hez dikin, dikarin biçin fîlmê ‘Muhurlu Koşk’. fîlmê ‘Muhurlu Koşk’; de, komeke ku ji polîsan direve û xwe di maleke bî cin û perî de vedişêre dest pê dike çîroka fîlmê koma ku di nav malê de bi cin û periyan re dikeve tekoşîna hebûn û tûnebûnê. AMED - DÎHA

Ev nûçe 1232 car hate xwendin.
Yên pêsî || ên pistî >>

Nûçeyên Çand û Huner