Ahmet Turk û şar semedê bertekanê xo bimojê prtosto kerdê û polêsan êrîşê şarî kerd. Turk dijî ney zî bertekanê xo mojna û vat: “Serokwezîr weyzeno qala demokrasîyî keno, eybo eyb. Ma dê zincîranê ney zilmî yew bi yew bişiknê.” Û wina dewam kerd: “Ma dê nirxanê xo ra qetîyen tawîz nêdê. Şarê ma dê serewerdartişan bivirazo.” Peynî de zî vat: “Cayê têkoşîna demokratîk sîyaset o.”
Şarê Amedî verê bonê BDPî de bi hezaran kom bîy û verê xo day Parka Koşîyolî. Hevserokê DTKî Ahmet Turk û Aysel Tugluk, wekîlanê Amedî Nursel Aydogan, Altan Tan, Emîne Ayan, kordînatorê DTKî wekîlê Êlîhî Ayla Akat Ata, wekîlê Agirî Halîl Aksoy, serek û rayîrberanê BDPî yê bajar û qezayan û bi hezaran şar beşdarê çalakîyî bîy.
Taxa Bayindirlixî di polêsan barîkat rona û nêverda ke şar bişêro.

ÊRÎŞÊ WEKÎLAN KERDÎY
Ahmet Turk û Aysel Tugluk û rayîrberanê BDP bi rayîrberanê polêsan ra pêvînayiş pêk ardî ema netîce nêda. Qabê ke rayna pêvînayiş bibo wekîlî rayna verê polêsan şîy.
Ey demî di polêsan bi awa şîd êrîşê wekîlan û şarî kerdîy. wekîl Ayala Akat Ata û nuştox Yilmaz Sezgîn demê derg awî ver xoverday. Rayîrberanê BDPî xo resnay rayîrberanê polêsan het û êrîşî ra bertekanê xo mojnay.
Pêy êrîşî Turkî daxûyaney da û vat: “Na şand şima na zilm bi çimanê xo vîna. Ma di axa xo di yenê qedexekerdiş û nêverdanê ke ma karê xo yê sîyasî bikerê. Wa Erdogan behsa nêwerzo û demokrasîyî ra behs nêkero. Eyib o eyib.” Turkî ard ziwan ke ti rayan ney zilmî qebûl nêkenê. Yew bi yew dê zincîra zilmî bêro şikitiş. Qabê ke sîyaset gemar deşîfre bikerê ma bi şarê xo vejyay ney rayîrî. Eme hewce nêmênd ke ma deşîfre bikerê, heme kesan no raşteya gemarine bi çimanê xo vîna.”

‘DÊ ÇIÇÎ ÇARESER BIKÊ?’
Turkî bal ont operasyonanê BDP û qiseyan di KCKî sero û vat: “Serra 2011 di girotişî bîy qirkerdişê sîyasetî. Şaredaranê ma, endamanê ma yên MYKî û PMî hedef amey girotiş. Qabê qilêf cira bivirazê zî vatîy ‘KCK’. Bi ney hawayî zî kenê ke şaran bixapînê. No operasyon dijî azadîwaştoxan ameyo kerdiş. kesanê vanê ‘Ewro cayê têkoşînî sîyaseta demokratîk o’ wa şerm bikerê. Kesanê ke wazenê sîyaseta demokratîkî xirabe bikerê dê çiçî hal bikerê? No sîyaset îlas kerdo. Şarê ma dê qabê azadîyî serewerdartişan bivirazo.”

‘NIRXÎY RÛMETA MA YÊ’
Turkî wina îfade kerd: “Birêz Ocalan qabê çaresereyî xeyretan mîyan de yo. Ema tecrîta ke o tedeyo polîtîkaya şerî yo. Ma nirxanê xo ra ti rayan tavîz nêdanê. Ma dê qabê tecrîta Ocalanî sero wedaryo û karê muzakereyan bidomyo ra, ma dê 8 citmengî di verê xo bidê Gemlîkî.” AMED - DÎHA

Ev nûçe 1099 car hate xwendin.
Yên pêsî || ên pistî >>

Nûçeyên Kirmanckî