Ferhat ARSLAN - DÊRSIM


Qirkerdişê Dersimî di 70 hezar merdiman ra zafêrey merdimî amey qirkerdiş. Kesanê ke qirkerdişî ra giran birîndar xelasbîy û na gam cuyenê ardîy ziwan ke lêborînwaşitişê Serekwezîrê Tirkîyayî Tayîp Erdoganî qîmê qirkerdişî nîno.
Mexdûran ra Huseyîn Gul: “Maya min, pîyê min, birayanê min hemeyî amey kiştiş. Pîzeyê cenîyan bi sugî qelişnay, her cenî, gede û îxtîyarî heme sungîyan ra dayê ravêrayiş û gelîyê ra an zî cayê berz ra eştê war.” Bedrî Polat zî bi birîna 2 guleyan birîndar xelisya yo û vano: “Sucê pitikanê beşîkî di çiçî bî? Kenekanê ma çira girotîy berdîy? Çira ma erdanê ma ra birnay û kerdî vagonanê sîya? Wa serekwezîr nînan bibersivno.”
Serranê 1937-38 di dewleta Tirkîyayî Dêrsimî sero bi nameyê ‘Operasyona Tuncelî’ 70 hezar ra zafêr merdimî bi hawayê komî qir kerdîy.
Bi 10 hezaran merdim zî erdanê înan ra kerdîy vagonanê sîya û verê înan day bajar, navçe û dewanê xerîb.
Kenekanê Dêrsimijan zî girotîy berdîy rojavayî û xo ra ya kerdî bisilme ya zî bi hawayê na day xebitnayene.
Nêy çîyî ney rojan rojeva Tirkîyayî ra nêkonê û mijara zaf kesan ney sero belî beno.
Kesanê ke kiştişê ma, pî û birayanê xo bi sungî û zenbî hawayan vînay zaf êy. Nînan ra kesê ke eşîra Demenan ra Huseyîn Gul ke na gam 90 serre yo, zaf guleyî ginay ci ema qirkerdişî ra xo xelisnayo.
Wahşeta ke vînayo wina ano ziwan ke Gelîyê Pilumireyî gunî herikyay: “Marçikî di ma hemeyan arê day pê sero. Ma herî tayn 50 kesîy bîy.
Ma berdî gelîyê û zinarî sero day vindertiş. Heme kesan bi jûbînan di girê da bîy. Cenî, gede û îxtîyaran bi sungi, ciwan û kesanê xo sero bîy zî bi guleyan amey kiştiş. Ey demî di guleyî ginay mi zî.
Ma, pî û birayanê mi hemey amey kiştiş. Pîzeyê cenîyan gi sungîyan qelişnay. Kesê ke sungî ra ravêray gelî an go cayê bezî ra amey eştiş. Destê mi bi guleyî cira bi, eme ez nêmerda.”
Gulî, vatişanê Erdoganî yê ke ‘eger lîtaraturî di esto se ez lêborîn wazeni’ ra ard ziwan û vat: benêy zî wa lêborîn biwazê. Na nêfikiryay ke kesanê ke no dej dayo ma dê senî hesap bidê.” “Fermana kiştişê ma û pîyê mi rayîrberanê ney dewletî day. Kesanê ke ney dewletî rayîra

‘SERE PITIKAN PELIXNAY’
Bedrî Polat zî pey guleyan eştê Çemê Pilumireyî ey zî çenga xo û destê xo ra birîna guleyî girotbi. Bi birînanê ey guleyan 74 serro ke cuyeno.
Polatî ard ziwan ke elewîyanê kizilbaş ti rayan rik / nefret girê nêdanê. Û vat: “Lazimo ke Erdogan semedê qirkerdişê ma bivajo û lêborîn biwazo ke ma bizanê ke lêborîna xo di samîmî yo. Ma nêzanê ke çir ama qir kerdîy? ma nêzanê ke çira ma erdanê ma ra kedîy? Sucê pitikanê ke qûndaxî de çiçî bi ke sereyê înan bi payan ameynê pelixnayiş? Kenekanê ma çira berdîy û se kerdîy?”
Û wina dergey da qiseyanê xo: “Ma çira kedîy vagonanê sîya û berdîy cayanê xerîb di verday? Ma dijî leşkeran kozikî di nêbîy. Dewa ma ra ma vetîy berdîy gelîyê an go awê sero û day sungî û guleyan ver û eştî war û awî mîyan.
Û peynî de zî qabê xo vat: “Mi çenga xo û destê xo ra birîna guleyî girot min awî mîyan di boya xo bi diztey girotê. Bi saetan pey ra ez awî mîyan ra bi halê xo yê birîndar vejyayanê. Ema malbata mi ya 50 kesîy bîy hemeyî ameybîy qirkerdiş.
Çimanê mi vero çemî di cesedanê merdiman awî di şîyê. Sereyê pitikanê qûndaxî bi payan pelixnay û kiştê. Mezgê pitikan vejyay teber.” DÎHA

Ev nûçe 313 car hate xwendin.
Yên pêsî || ên pistî >>

Nûçeyên Kirmanckî