Eyup CELADET - STENBOL


Lîstika ku ji Pirtûka Rojîn Canan Akin û Fûnda Danişman a bi navê ‘Ne Weke Hûn Dizanin’ ya ku bûyerên 1990’î yên li bakûrê Kurdistanê vedibêje,pêk hatiye dê di 16’ê kanûnê de li Şermola Performansê bê nîşandan. Ev xebata Akin û Danişmanê çîroka şerê dijwar ê li Kurdistanê ku nifşê salên 90’î jêre şahidî kirine, vedibêje û bi piştgiriya Teatra Demsalê derdikeve ser dikên şanoyê.
Dema ku ev pirtûk hate weşandin, rastî eleqeyeke mezin hat. Ulfet Sevdî, Rawîn Stêrk, Bîlge Açikgoz Denîz Karaca rola 4 çîrokên di pirtûkê de dileyizin, û bi heman navan dê derkevin ser dikê.
Di lîstika bi muzîk de çîrokên çar ciwanên bi nasnavên Stîlîlê, Wanbetan, Avrehan û Gever bi rejêyeke feminîst dinirxînin û bi taybet balê dikişîne ser zahmetiyên ku jinan di wê demê de li Kurdistanê kişandine. Destdirêjî û destavêtina di bin çavan de, îşkence, û pêkanînên hovane yên leşker û polîsan ên li derve li hemberî civakê pêk tînin, di naveroka lîstikê dê tê dîtin. Derhêneriya şanoyê Ulfet Sevdî dike û Gulîstan Sarbas, Hêvîdar Bakir, Havîn Fûnda Saç û Rawîn Stêrk têde cih digirin, û di lîstikê de stranên Dengbêj Xalîde yên der barê lîstikê de têne gotin. Nicolas Royer-Artuso ji bo her karekterekê kilamek û Bariş Dodanoglu jî bi estrumentan hevkariyê dike. Mînyaturiya wê jî Canana ku xwedî karyereke navneteweyî ye dike.
Di dîmenên mînyatur a ku vîdeoyan bi riya sînevizyonê tê nîşandan de jî vegotinên piraniya wan tirkî û li hin cihan jî kurdî ne. Di lîstikê de her karekterek çîroka xwe bi xwe vedibêje, rejî li ser esasê ku lîstikvan û temaşevan cih bi hev biguherînin hatiye danîn. dê temaşevan bêne ser dikê û lîstikvan jî biçin cihê temaşevanan. Bi vî awayî dixwazin li Kurdistanê tiştên ku diqewimin ‘Ne weke hûn dizanin e’ bide rojavayê Kurdistarê Li hin cihan jî dê temaşevan zoriyan bikişînin jî hene. Karektera malbetan; ji bo biaxive, leşker li ber çavên wî tecawizê keça wî dikin… Gever telvî nava refên gerîlayan dibe…. Avrehan li ber çavên bavê xwe tê kuştin… Bav û kekê Stîlîlê ji aliyê cerdevanan ve û xizmên wê jî ji aliyê Hizbullahê ve têne kuştin… Wê ev dram di lîstikê de bê nîşandan.
Kostûm jî ji aliyê Berna Guler ve têne amadekirin û balê dikişîne ser kincên neteweyî yên Kurdan. Her çendî naveroka lîstikê der barê şerên dijwar û tundiya salên 90’î yên li bakurê Kurdistanê de be, di dawiya lîstikê de banga wijdan û aqilê selîm tê kirin, ji bo aşitiyekê balê dikişîn ser hincetên mirovahiyê.
Her wiha, Hasan Demîr û Denîz Karaca jî alîkariya derhêner dikin û wê lîstik di 16’ê kanûnê de li Şermola Performans bê nîşandan. Lîstik wê demjimêr di 20.30 de bê nîşandan. ANF

Ev nûçe 375 car hate xwendin.
Yên pêsî || ên pistî >>

Nûçeyên Çand û Huner