ÎHD’a Amedê û xizmên windayan çalakiya xwe ya 149’emîn li ber Abîdeya Mafê Jiyanê ya li Parka Koşuyoluyê li dar xistin. Alîkarê Serokê Giştî yê CHP’ê û Parlamenterê Stenbolê Sezgîn Tanirkulu, rêveberên ÎHD’ê û xizmên windayan tevli çalakiyê bûn. Endama Komîsyona Windayan a ÎHD’a Amedê Necîbe Guneş Perînçek, diyar kir ku kesên di bûyerên kiryar nediyar de hatin windakirin ji aliyê ‘Qatilên kîrêkirî’ yên ji îtîrafkar, MÎT û JÎTEM’ê pêktên ve hatin kirin. Perînçek, anî ziman ku ligel ev yek tê zanîn tu tişt nayên kirin. Perînçek, da zanîn ku navên kesên di van cînayetan de derbas dibin di dosyayên lêpirsînê de cih nagirin. Perînçek, bi lêv kir ku minaka vê yekê 7 kesên li gorî îfadeyên Endamê JÎTEM’ê Ayhan Çarkin hatin girtin û piştre jî serbest hatin berdan e. Perînçek wiha got: “Em baweriyê bi vê yekê naynin. Me heye nihat tu samîmiyet nedît. Gelo çima komîsyona jor na ya jêr tê avakirin? Serokwezîr bang li Suriyeyê dike dibêje ‘mirovan nekujin’ Li vir li nava kolanan mirov tên qetilkirin. Heke hûn samîmî bin komîsyona jor ava bikin.”
Alîkarê Serokê Giştî yê CHP’ê û Parlamenterê Stenbolê Sezgîn Tanrikulu yê ku bi armanca piştgiriyê bide çalakiyê tevli çalakiyê bû û wêneyê Hasan Kaya yê di sala 1993’yan de li Xerpêtê hate windakirin hilgirt jî diyar kir ku ji ber cînayet bi destê dewletê hatin kirin heya niha tu encam nehatin girtin. Tanrikulu, anî ziman ku di nav kesên hatin windakirin de gelek kes dinasin û yek ji van jî Necatî Aydin ê piştî binçavkirinê ji aliyê DGM’ê ve serbesta hate berdan û piştre hate revandin bû û wiha got: “Necatî Aydin ji aliyê DGM’ê ve serbest hate berdan û piştre hate revandin û min ev yekê dît. Ez şahidê vê dozê me. Ez çû DMME’yê mîn îfade da. Lê hikûmet li hemberî siyasetmedarên vî gelî hilberandin mert nebû. Doz nayên vekiri. Apê Fîkrî (Fîkrî Ozgen ê 73 salî) hêj nehate revandin 2 saet berê li DGM’ê di odeya JÎTEM’ê de bû. Ez çûm cem dozger. Heke dozger 2 deqîqe berê hatiba odeya JÎTEM’ê Apê Fîkrî nedihate windakirin.”
Tanrikulu, da zanîn ku hemû hewldanên wan ên têkildarî bûyerên kiryar nediyar de ji aliyê AKP’ê ve hatine redkirin û wiha axaftina xwe berdewam kir: “Têkildarî van cînayetan de jî berxwedana qanûnçêkeran jî berdevam dike. Ez bang li hikûmeta AKP’ê û qanûnçêkeran dikim. Madeyên têkildarî bûyerên kiryar nediyar ê demboriyê rakirin. Bila li Meclisê li gorî şertên cîhanê komîsyonekî xweser bê avakirin.”
Piştî axaftina Tanrikulu Endama Komîsyan Windayan a ÎHD’a Amedê Necîbe Guneş Perînçek çîroka windabûna Omer Solmaz û Ramazan Maşuk ên di sala 1993’yan li navçeya Silopî ya Şirnexê hatin binçavkirin û pişt re hatin windakirin vegot.

LI ÊLIHÊ JÎ HEMAN ÇALAKÎ
Endamên ÎHD’ê û xizmên windayan li Êlihê ji bi heman armancê li Kolanan Gulistanê çalakî li dar xistin. Serokê Şaxa ÎHD’ê Osman Kuntaş, Endama Lijneya Kordînasyona KCD’ê û Parlamentera Êlihê Ayla Akat Ata, Endama Meclisa BDP’ê Cihan Sincar, Wekîlê Şaredarê Êlihê Serhat Temel, nûnerên rêxistinên sivîl ên civak, xizmên windayan û gelek kesên din tevli çalakiyê bûn. Rêveberê ÎHD’a Êlihê Nîhat Ekîncî, diyar kir ku têkoşîna wan a bo aqûbeta windayan bê dîyarkirin dê bidome. AMED / ÊLIH - DÎHA

Ev nûçe 184 car hate xwendin.
Yên pêsî || ên pistî >>

Nûçeyên Nûçe