Afetzedeyanê Wanî yê ke alîkareya çadiran ra para xo nêgirotîy bi derfetanê xo konê xo akerdê. Binê konî di 8 malbatî bi temamî 85 kesîy cuyayişê xo dom kenêy. Şarê Wanî semedê ke erdlerzanê pey lezayişî benê ra nêewtenê ke bikûrê bonanê xo û di vewr û serdî di tebera mendêy. Konî di keso herî qijkek Berrîn a 1 aşmin a. A zî semedê ke maya ay weş wey nêbena bê şit manena.
Şarê Wanî hetanê ke ney gamî çîyê ke dewletî ra pawitê nêgirotê û xo bi xo îdar kenê û pawenê. Çadiranê Kizilayî hewna nêresayo kesanê bi temamî maxdûr êy. Mahleya ke kurdîy zaf êy Karşiyaka ra malbatanê Orhan, Kaval û Umar bi temamî 85 kesîy ke 8 malbatan ra pêk yenê konî di cuyayişê xo bê dewlet cuyenê. Ardê ziwan ke hetanê ney gamî dewletî ra qet alîkareyê zî nêvînayê û konê ke bi muşambeyî viraştê di cuyenê. Nêy malbatî 1994 di Colemêrgî ra bi darê zorî ameybîy koçkerdiş û Wanî di xo bi ca kerdêy.

‘PROVOKATOR POLÊS O’
Ramazan Orhan ard ziwan: “Ma 85 kesîy yew konî di cuyenê. Alîkareyê felan nîno mara. Ma çadir wazenê ma ra vanê şima ‘provokator êy’ esil provokator walîyê ey, poles ey, leşkeranê ey û amîranê AKPî yê. Ma çadir wazenê û no zî heqê ma yo. Erdogan semedê ke ma kurdêy, tikeyanê ma bi kîmyasalan tikeyanê ma zî bi erdlerzî wazeno ke bikişo. Kesanê ke derfetanê înan bîy tîyara koç kerdîy. derfetanê ma çînê ke ma koç bikerê. Ma hetanê Enqereyî telefon akerd Kizilayî vanê ‘şêrê sivîl savûnmayî’. Her roj daxûyaney danê vanê ma dewletê dê super êy! Ma muhtacê çîyê zî nîyê. AKP pereyanê tîya dano kiştewananê xo. Erdlerz karê Homayî yo, Erdogan zî ney sero sîyaset keno.”
Veysî Kaval zî eynî konî de maneno û vat: “Hetanê ewro ne çadir ne zî werd, ma alîkarey nêgirot. Eger biwazê hetanê Fîlîstînî alîkarey eşrawenê. Ma zî merdim nîyê? Ma zî baca / vergîya xo nêdanê? Ma leşkerey nêkenê? Ma him bi serd, erdlerz û xozayî ra têkoşîn danê. Eger vewr zêd bivaro konê ma dê ma sero bêro war. Ma kewtê tê mîyan û rakuwenê. Ma zî nêzanê ke ma se bikerê?”

‘GEDEY MIN VEYŞAN A’
Maya gede Hanîfe Kavalî ard ziwan ke tûta ey ya nameyê ci Berrîn a û a serdî ra qefilyenê. Semedê ke çîyê nêvînene ke biveşnê ra serd kiştê ra veyşaney zî kiştê ra zor dano înan û vat: “Tenê Berrîn nê heme qeçan serd o û veyşan êy. Hemeyî nêweş êy. Ma nêşenê derman zî bivînê. Ma nêşenê çîyê zî bikerê.
Ma rezaletî mîyan de yê. Mêrdeyê mi Stenbolî di înşaatan di xebityeno. Ez û 4 gedeyanê xo ma ney çadir di manenê.” Kavalî ard ziwan ke çîyê wedişî zî nêvînenê. Semedê ke şitê a mird nêbena ra şitê ay Berrînî nêşeno mird bikero. Û ard ziwan ke bi lezgîney ma alîkarey wazenê. DÎHA

Ev nûçe 1166 car hate xwendin.
Yên pêsî || ên pistî >>

Nûçeyên Kirmanckî